«Áleýmettik jelide sheteldikterge jer satý máselesi Jer komıssııasy aıasynda qaıtadan qarastyrylýy múmkin, bılik qaıta qarastyrýy yqtımal degen syndy pikirler keıde kezdesip qalady. Bul áńgimelerdiń barlyǵy naǵyz jalǵan málimet ári spekýlıasııa. Máselege qatysty pikirtalasqa núkte qoıylǵan. 12 naýryzda Prezıdent óziniń zańnamaǵa bastamashylyq quqyǵyn paıdalanyp, Parlamentke sheteldikterge jerdi satýǵa jáne jalǵa berýge tyıym belgileıtin tıisti zań jobasyn jibergen. Ony depýtattar óz jumystaryna birden qabyldap, bekitilgen prosedýra aıasynda qarastyryp ta jatyr», dep jazdy Erlan Karın.
Erlan Karınniń aıtýynsha, atalǵan zań zań jobasy boıynsha Májiliste jumys toby quryldy. Top quramyna qoǵam, memlekettik organdardyń, parlamenttik emes partııalardyń ókilderi men sarapshylar kirdi.
«18 naýryzda, parlament qabyrǵasynda jumys tobynyń birinshi otyrysy ótti. Búgin tús aýa atalǵan toptyń kezekti otyrysy ótýi tıis. Demek, prosess tolyq qarqynmen júrip jatyr. Al jer komıssııasy ózge máseleni, aýyl sharýashylyǵy jerlerin paıdalaný jaıyn qaraıdy», dedi Prezıdenttiń kómekshisi.
