Indetten arylýdyń joly – ekpe saldyrý

Qalanyń bas memlekettik sanıtar dárigeri Ábdimanap Tólebaev indet­tiń jappaı taralýyna jol bermeý maq­satynda karantındik is-sharalardy uzar­tý týraly qaýly qabyldady. «Shymkent qala­synyń aýmaǵynda 2021 jylǵy 29 naýryz saǵat 00:00-den bastap 2021 jylǵy 12 sáýir saǵat 00:00-ge deıin karan­tın jáne shekteý is-sharalary uzar­tyl­syn», delingen qujatta. Atalǵan qaý­lyǵa sáıkes, 29 naýryz ben 12 sáýir ara­lyǵynda qalada as berý sharalaryn (toltyrylýy 30 paıyzdan artyq emes, biraq 50 adamnan artyq emes) qospaǵanda adam­dardyń kóp jınalýyna baılanysty kez kelgen is-sharalardy (týǵan kúnder, mereı­toılar, shyǵaryp salý, qudalyq, toı, betashar jáne basqa) ótkizýge tyıym salynady. 65 jastan asqan adamdardyń qalada júrýi shekteledi. Budan bólek, qoǵamdyq oryndarǵa (onyń ishinde qala­lyq qoǵamdyq kólikte sapar shegý ke­zin­de) jáne qyzmetine ruqsat etilgen ny­sandarǵa barǵan kezde, sondaı-aq ashyq aýada ornalasqan qoǵamdyq oryn­dar­­da bolǵan kezde (5 jasqa deıingi balalardy jáne ashyq aýada sportpen shuǵyldanýdy qospaǵanda) betperde kııý, áleýmettik qashyqtyqty saqtaý jáne antıseptıkterdi paıdalaný jónindegi ta­lap­tar qatań saqtalýy qajet.

Shymkentte ınfeksııalyq stasıonarlarda tósektik oryn jetkilikti. Qazir stasıonarlardaǵy 560 orynnyń 249-y bos, al karantındik stasıonarlardaǵy tósektik oryndar túgeldeı bos deýge bolady. Búginge deıin shaharda 305 046 PTR zerthanalyq zertteý júrgizilgen. Onyń ishinde bir kúnde 1 963 PTR alynǵan. Sondaı-aq qala aýmaǵynda sa­nıtarlyq-epıdemııalyq talaptardyń saqtalýyna monıtorıng júrgizetin 22 mobıldik top jumys isteýde. Olar ótken táýlikte 240 nysanǵa tekserý ju­mys­taryn júrgizdi. Nátıjesinde, 17 ny­san­da karantın rejiminiń talaptary bu­zylǵany anyqtalyp, ákimshilik hattamalar toltyrylǵan. Búginde indetten qorǵanýdyń ońtaıly joly – vaksına saldyrý men betperde rejimin saqtaý. Turǵyndar jıi shoǵyrlanǵan oryndarda betperde taǵyp júrýdi jurt na­zaryna salǵan qalalyq jastar re­sýrs­tyq ortalyǵynyń eriktilerinen qu­ral­ǵan top koronavırýstyń aldyn alý úshin betperde taratýdy qolǵa alǵan. Olar qysqa ýaqyttyń ishinde 5 myń dana medısınalyq betperde taratyp, túsindirý jumystaryn júrgizdi. Atal­ǵan shara aıasynda qalanyń Tótenshe jaǵ­daılar departamenti jáne Polısııa departamentiniń qyzmetkerleri bazar ma­ńyndaǵy turǵyndar men satýshylarǵa, qoǵamdyq kólik ıelerine karantın talaptaryn túsindirdi. Sondaı-aq qoǵamdyq oryndarda betperde taǵý qaýiptiń aldyn alýdyń alǵysharty ekenin eske saldy.

Indetti jeńý úshin ujymdyq ımmýnıtet qalyptastyrý qajet. Bul úshin el tur­ǵyndary jappaı vaksına saldyrýy kerek. Osy maqsatta Shymkentte 7 myń­ǵa jýyq adamǵa erikti túrde vaksına salyndy. Onyń ishinde 4 301-i medısına qyzmetkerleri bolsa, 2101-i – pedagogter. Al 161-i polısııa qyz­metkerleri men 299-y – basqa da sanattaǵy azamattar. Infeksııaǵa qar­sy vaksınalaý jumystary 21 emdeý meke­me­sin­de júrgizilýde. Buǵan qosa naý­ryz aıy­nyń sońyna deıin qosymsha 10 bas­tapqy medısınalyq-sanıtarlyq al­ǵash­qy kómek uıymdarynda vaksınalaý úshin arnaıy kabınetter ashylmaq. Sa­nıtarlyq-epıdemıologııalyq ba­qy­laý departamenti densaýlyq saqtaý basqarmasymen birlesip, BMSK uıym­da­rynyń 450 medısına qyz­met­ke­rine vaksınalaý máseleleri boıynsha trenıng semınarlar ótkizdi. Budan bólek, turǵyndar arasynda aqparattyq túsindirý jumystaryn júrgizý boıynsha tıisti is-sharalar josparly túrde júr­gizilýde. Vaksınalaýǵa pro­fı­lak­­tıkalyq egýge qarsy kórset­kish­teri joq adamdar jiberiledi. Vak­sı­na­laý al­dynda dáriger egýge kelgen adamdy mindetti túrde tekserýden ótki­ze­di. Qalada medısına mamandary endi de­malyssyz ınfeksııaǵa qarsy egý ju­mys­taryn júrgizedi. О́tken senbi men jeksenbi kúnderi bastapqy sanı­ta­rııalyq medısınalyq kómek kórsetý uıym­daryndaǵy mamandar óz erkimen ke­li­sim bergen azamattarǵa kovıdke qar­­­sy ekpe saldy. Búginge deıin 7 181 aza­­­matqa kovıdke qarsy vaksına sa­lyn­­ǵan. Ekpe alǵandardyń 70 paıyzdan astamy – medısına mamandary. Al basqalary – muǵalimder men quqyq qorǵaý organdarynyń qyzmetkerleri. Ekpe salý túrli sanat boıynsha kezegimen júr­gizilýde. Vaksınalaý jumystary qa­la­daǵy 26 emdeý mekemesinde júr­gizilýde. Qosymsha 10 bastapqy medı­sı­nalyq-sanıtarlyq alǵashqy kómek uıym­darynda arnaıy kabınetter da­ıyn­daldy.

Vaksına saldyrý – koronavırýs aýrýy­nyń taralýyn boldyrmaýdyń bir­den-bir joly.

ShYMKENT