Oblystyq densaýlyq saqtaý basqarmasy basshysynyń orynbasary Qaısar Abdalıevtyń aıtýynsha, Úkimettiń, Atyraý oblysy ákimdiginiń qoldaýymen, sondaı-aq, demeýshi kompanııalardyń kómegimen koronavırýs ınfeksııasyn juqtyrǵan naýqastardy emdeý úshin qajetti jabdyqtar satyp alynypty.
«Atap aıtqanda, oblystaǵy aýrýhanalar 4 MRT, 12 kompıýterlik tomografııa, 41 rentgen apparatymen qamtyldy. Buǵan qosa 669 ottegi konsentratory, 1514 pýlsoksımetr, 267 ókpeni jasandy jeldetý apparaty men 8 ottegi stansasy iske qosyldy» deıdi Qaısar Abdalıev.
Onyń málimetinshe, jedel medısınalyq járdem stansasynyń avtoparki tolyq jańartyldy. Qazir bul stansada «103» qyzmetine túsken shaqyrýǵa baratyn 113 arnaıy kólik pen 7 jyljymaly medısınalyq keshen bar.
