Qazaqstanda 45 energııa óndirýshi uıymnyń (EО́U) 37-siniń shekti tarıfteri 2021 jylǵy 1 sáýirden bastap ulǵaıtylatyn bolady. Berilgen ótinimder boıynsha shekti tarıfterdiń ósýi 36% deńgeıinde boljandy. Jarty jyldan astam ýaqyt ishinde berilgen ótinimderdiń negizdiligine taldaý júrgizildi. Júrgizilgen jumystar men talqylaýlardyń nátıjesinde stansııalardyń shekti tarıfteriniń málimdelgen deńgeıiniń artý úlesi eki eseden astam tómendetildi.
– Olardy qaraý kezinde mınıstrlik árbir jaǵdaı boıynsha jeke tásil qoldandy. Ýaqtyly sheshimdi talap etetin ótinimder nazarǵa alyndy. Qazaqstan boıynsha energııa óndirýshi uıymdardyń shekti tarıfteriniń ortasha ósýi 15% deńgeıinde boljanýda, – dep habarlady Q. Rahımov.
Onyń aıtýynsha, Qazaqstannyń energetıkalyq kózderiniń basym bóligi ótken ǵasyrdyń 60-70-shi jyldary paıdalanýǵa berilgen. 2020 jyldyń qorytyndysy boıynsha Qazaqstandaǵy energetıkalyq aktıvterdiń tozýy 53%-ti quraıdy. Tıisinshe, óndirý sektoryndaǵy negizgi shyǵyndar olardy jumys jaǵdaıynda ustaýǵa baǵyttaldy – stansııanyń kópshiliginiń kiristilik deńgeıi naqty shyǵyndardan tómen.
– Jetkiliksiz qarjylandyrýǵa baılanysty elektr stansııalarynda júrgizilip jatqan jóndeý kompanııalarynyń sapasy erekshe alańdaýshylyq týǵyzady. О́kinishke qaraı, shekti tarıfterge salynǵan jóndeý naýqandaryna jumsalatyn shyǵyndardyń ruqsat etilgen deńgeıi qajettilikterdi tolyq kólemde ótemeıdi, – dep atap ótti Rahımov.
Osy sebepti elektr energııasyn óndirý úshin únemi ártúrli sebeptermen shamamen 2 000 MVt jóndeý ústinde jáne qoljetimdi emes, bul ońtústiktegi úsh oblys – Jambyl, Túrkistan jáne Qyzylordanyń jıyntyq tutynýymen salystyrýǵa bolady. Tolyq qarjylandyrylmaǵandyqtan apattar men tehnologııalyq óshirýler sanynyń ósýi baıqalady. 2020 jyly Qazaqstannyń birtutas elektr energetıkalyq júıesinde 4 458 tehnologııalyq buzýshylyqqa jol berilgen (2019 jylmen salystyrǵanda 11%-ke ósken). Árbir iri tehnologııalyq buzýshylyq – Qazaqstannyń búkil energetıkalyq júıesindegi apat táýekeli.
Elektr stansııalaryndaǵy shekti tarıfterdi ýaqtyly túzetý olardy jańǵyrtý jumystaryn sapaly júzege asyrýǵa, sondaı-aq 2021-2022 jyldardyń kúzgi-qysqy kezeńinen sátti ótý jáne avarııalyq jaǵdaılardy azaıtý úshin ýaqtyly jáne tolyq kólemde jóndeý júrgizýge múmkindik beredi. Budan basqa, tarıfterdi qaıta qaraý 45 energııa óndirýshi uıymnyń óndiristik personalynyń shamamen 23 myń jumys ornyn saqtaýǵa kómektesedi, olar úzdiksiz jumysty jáne el men Qazaqstannyń tutynýshylaryn elektr energııasymen qamtamasyz etetin bolady.
