Tótenshe jaǵdaılar departamentiniń málimetinshe, bıyl qardyń bıiktigi normadan joǵary, qar jamylǵysyndaǵy sý qory da normadan joǵary. Sý tasqynynyń yqtımal asqynýy Qarasý, Qarabalyq, Meńdiqara, Uzynkól, Sarykól, Áýlıekól, Jitiqara aýdandarynda, B.Maılın aýdanynda jáne Qostanaıda bolýy múmkin. Tasqyn jáne erigen qar sý basýy múmkin aımaqtarda 95 eldi meken bar.
«Bul eldi mekenderde halyq sanaǵy, úı janýarlarynyń tizimdemesi júrgizildi, halyqty ornalastyrý oryndary daıyndaldy jáne janýarlardy aıdap áketý oryndary belgilendi. Sý tasqyny saldarynan jol ınfraqurylymynyń buzylýyna jol bermes úshin sý ótkizý qurylystaryn qar men qoqystan tazartý jumystary júrgizilip jatyr», dedi oblystyq tótenshe jaǵdaılar departamentiniń bastyǵy Birjan Kárimov.
Oblystyń barlyq óńiri jalpy somasy 814 mln teńgege qarjy qarajatynyń rezervin qalyptastyrdy. Sý tasqyny kezeńinde ınertti materıaldardyń qajetti qory, 167 tonnadan astam janar-jaǵarmaı materıaldary, 14 tonnadan astam azyq-túlik, 9,1 myń ınertti materıal jáne 60 954 dana ydys-qaptar daıyndaldy.
