Marafonǵa qatysýshylar azyq-túlik sebetterin taratty. Qan ótkizip, donor boldy, qar kúrep kómektesti, sondaı-aq adamdarǵa jyldar boıy jaqsylyq ákeletin ıgi isterdi atqardy. Balqashta Naýryz merekesi qarsańynda egde adamdardyń densaýlyǵyn nyǵaıtýǵa, aýyrǵannan keıin qaıta jumysqa kirisý qabiletin qalpyna keltirýge baǵyttalǵan jańa ońaltý ortalyq – qaladaǵy eń alǵashqy medısınalyq mekeme ashyldy. Ońaltý ortalyǵy 40 tósekke eseptelgen ári zamanǵa saı jáne tehnologııalyq qurylǵylarmen - mehanoapparattarmen, trenajerlermen, fızıoterapııaǵa arnalǵan jabdyqtarmen, emdik dene shynyqtyrý jáne massaj qyzmetimen jaraqtandyrylǵan. Qaraǵandy oblysynyń densaýlyq saqtaý basqarmasynan atap ótkendeı, joba «Balqash Medısına ortalyǵy» JShS-men memlekettik-jekeshelik áriptestik aıasynda júzege asyrylǵan.
«Buryn Balqash qalasynda turatyn pasıentter ońaltý emi úshin oblystaǵy klınıkalarǵa baratyn. Al ol jerde kezek uzyn-sonar edi. Budan bylaı biz medısınalyq qyzmetti osynda kórsete alamyz. Ortalyqtyń ashylýy - bul osy qalanyń turǵyndary úshin ǵana qýanyshty habar emes, sebebi biz taıaýdaǵy eldi mekenderden keletin azamattardy da qabyldaıtyn bolamyz», dedi ońaltý ortalyǵynyń atqarýshy dırektory Bekzat Tóleýbekov.
Igi isterdiń taǵy biri Kókshetaý qalasynda jasaldy. Onda 1 naýryz kúni jalǵyzbasty zeınetkerlerge arnalǵan «Meıirimdi júrek Lider.kz» pansıonaty ashyldy. Joba turmystyq zorlyq-zombylyqpen betpe-bet keletin áıelderge arnalǵan. Pansıonat basshysy Irına Katýhovanyń aıtýynsha, ótken aıda pansıonatqa 10 zeınetker júgingen. Taǵy tórteýi kelesi aptada keledi.
«Jeke demeýshi – «Tıolaın» JShS jalǵa, azyq-túliktiń bir bóligine, tórt qyzmetkerdiń – úsh medısına qyzmetkeri men sanıtardyń aılyq eńbekaqysyna kerekti somany tólep beredi. Al qalǵandarynyń barlyǵy munda volonter retinde jumys isteıdi. Bizdiń pansıonatta kúnine alty ýaqyt tamaq beredi. Psıhologtyń qyzmeti de bar. Sonymen birge kelýshiler medısınalyq tekseristen ótedi. Máselen, bizde ınsýlt alǵan áje jatyr. Arnaıy sol kisi úshin biz fýnksıonaldyq kereýet aldyq», deıdi pansıonat basshysy Irına Katýhova.
Igi ister estafetasy Qostanaı qalasynda da qoldaýǵa ıe boldy. L.N. Tolstoı atyndaǵy oblystyq kitaphanada 2 naýryzda Ústel tennısiniń áýesqoılary klýby ashyldy. Endi árbir seısenbi men beısenbi saıyn munda zaǵıp jáne kórý qabileti nashar adamdar kelip, bos ýaqytyn tanymdy ári qyzyqty ótkizedi.
Al Almaty oblysynda Naýryz merekesi qarsańynda «Halyq» Qaıyrymdylyq qory «El tiregi – Elbasy» atty aksııa ótkizdi: volonterlar halyqtyń az qamtylǵan bóligi sanalatyn 2000 otbasyǵa azyq-túlikke toly 6000 sebet taratty. Qaıyrymdylyq sebetteri Aqsý, Balqash, Alakól, Eskeldi, Sarqan, Qaratal, Kóksý aýdandary men Taldyqorǵan, Tekeli qalalaryna jetkizildi.
Bul - marafonǵa qatysýshylardyń kóptegen ıgi isteriniń az ǵana bóligi. О́tken aıda on myńnan astam otbasy kómek pen qoldaý taýyp, al eń belsendi aımaqtar qatarynda Shyǵys Qazaqstan, Pavlodar jáne Qaraǵandy oblystary boldy.
«Marafonǵa memlekettik organdar, bıznes ókilderi, mesenattar, qoǵamdyq uıymdar jáne ıgi iske beı-jaı qaramaıtyn adamdar belsendi qatysyp jatyr. Sondyqtan marafonǵa kez kelgen adam qatysa alady. Biz óz azamattarymyzdy marafonǵa qatysýǵa, sondaı-aq óz ıgi isterin áleýmettik jelilerde bólisýge, sol arqyly basqalarǵa úlgi kórsetýge shaqyramyz», dedi «Azamattyq bastamalardy qoldaý ortalyǵy» KEAQ Basqarma Tóraıymy Lıma Dıas.
Eske sala keteıik, «Qaıyrymdy ister marafony» – adamdar men uıymdardy biriktiretin, jaqsylyq jasaýǵa jigerlendiretin jalpyulttyq joba. Joba meıirimdilik pen jomarttyq saltanat qurǵan qoǵam qurýdy kózdeıdi, óıtkeni osyndaı áreketter qoǵamnyń, adam balasynyń jaqsy ómir súrýine sebepshi bolmaq.
Barlyq uıymdastyrýshylyq suraqtary boıynsha úılestirýshilermen myna telefon nómiri +7 7172 22 12 24 boıynsha, nemese ınstagramdaǵy @qaiyrymdy_ister_marafony akkaýnty arqyly baılanysa alasyzdar.
