Búginde aımaqta oblystyq jáne aýdandyq deńgeıdegi jalpy sany 28 qoǵamdyq keńes qurylyp, olardyń árqaısy partııanyń saılaýaldy baǵdarlamasynyń naqty bir baǵytynyń júzege asyrylýyn baqylap otyr. Qazirdiń ózinde sybaılas jemqorlyqqa qarsy kúres, mádenıet pen ónerdi damytý máseleleri, otbasy, áıelder jáne balalardyń quqyǵyn qorǵaý jónindegi keńester belsendi jumys júrgizýde. Munyń syrtynda, jańa qurylǵan ekonomıkany damytý jáne kásipkerlikti qoldaý, bilim men ǵylymdy damytý, densaýlyq máseleleri, jumyspen qamtýdy jáne halyqtyń áleýmettik álsiz toptaryna qoldaý kórsetý, óńirlik damý, azamattyq qoǵam men memlekettik basqarýdy damytý, jastardy qoldaý, ekologııa, agrarlyq sektordy damytý jobalaryn baqylaıtyn keńester jumysqa kiristi. Olar partııanyń saılaýaldy baǵdarlamasynyń jol kartasy boıynsha josparlanǵan jumystyń oryndalý qarqyny men deńgeıin baqylaıtyn bolady. Jol kartasyna engen, júzege asýǵa tıisti nysandarǵa jaýapty tıisti memleketttik organdardyń basshylary da, osy baǵyttaǵy atqarylyp jatqan jumystary boıynsha atalǵan keńes aldynda esep beredi. О́z kezeginde keńes músheleri osy arqyly jumys sapasyn baǵalap, ári qaraı nysan qoldanýǵa tapsyrylǵanǵa deıin óz baqylaýynda ustaıtyn bolady.
«Nur Otan» partııasynyń Qostanaı oblystyq fılıaly aımaqta aldaǵy bes jyl ishinde 2215 kórsetkish boıynsha 6491 is-sharany júzege asyrýdy josparlap otyr.
- Saılaý aldynda halyqqa bergen ýádemizdi 2021 jyly 20,1%-ǵa, 2022 jyly – 40,1%-ǵa, 2023 jyly – 60%-ǵa, 2024 jyly – 79,9%-ǵa oryndaýdy mejelep qoıdyq. 2025 jyly baǵdarlama tolyǵymen júzege asyrylady. Osy jyldyń sońyna deıin oblys kóleminde 480 shaqyrym avtokólik joly, 160 shaqyrym sý jáne 44 shaqyrymnan astam gaz qubyry tartylady. 2025 jylǵa deıin óńirde 42 jańa kásiporyn ashylyp, jalpy sany 80 myń jumys orny paıda bolady. Sondaı-aq, 2,2 mln sharshy metr turǵyn úı salý josparlanǵan. Qostanaı qalasynda stýdentterge arnalyp 1750 oryndyq 4 jataqhana salynady, sondaı-aq, «Dıplommen aýylǵa» baǵdarlamasy boıynsha jastarǵa turǵyn úı satyp alýǵa jeńildetilgen nesıe berý, kóterme járdemaqy berý sııaqty qoldaý tetikteri arqyly shamamen 1500-den astam bilikti jas mamanǵa áleýmettik qoldaý kórsetýdi josparlap otyrmyz. «Nur Otan» partııasynyń 2025 jylǵa deıingi «О́zgerister joly: Ár azamatqa laıyqty ómir!» atty saılaýaldy baǵdarlamasy – biz qolǵa alǵan reformalardyń jalǵasy. San salany qamtıtyn jańa baǵdarlama asa aýqymdy bolǵanymen, bul - naqty josparly maqsattar men shynaıy júzege asyrylatyn jobalardan turady. Búginde partııamyzdyń ózindik dástúri, qol jetken tabysy men tájirıbesi, kóptegen jaqtastary bar. Partııanyń respýblıkalyq saılaýaldy baǵdarlamasy alǵash ret 216 aımaqtyq baǵdarlamada egjeı-tegjeıli kórinis tapty. Bul alǵa qoıǵan mindetterdi elimizdiń kez kelgen óńirinde, barlyq deńgeıde tıimdi iske asyrýǵa múmkindik beredi, - dedi E. Kúzenbaev.
О́ńirlik keńesterdiń quramyna 2 myńǵa jýyq baqylaýshy tartylǵan. Olardyń ishinde táýelsiz sarapshylar men qoǵamdyq uıym ókilderi de bar. Kezdesý barysynda partııanyń saılaýaldy tuǵyrnamasynyń aımaqta tıimdi iske asyryla bastaǵanyn atap ótken qoǵamdyq baqylaý keńesteriniń ókilderi mańyzdy baǵdarlama elimizdiń órkendeýine jol ashyp, ádildik ústemdigin, zańdylyq pen tártiptiń saqtalýyn qamtamasyz etedi degen senim bildirdi.
