Túrki keńesin halyqaralyq uıym dep ataıtyn kez keldi

Ystanbul­daǵy Vah­det­tın pavılonynda vıdeobaılanys arqyly Túrki keńesiniń otyrysynda sóılegen sózinde múshe elderdiń yntymaqtastyǵy álemde bolyp jatqan ózgerister aldynda barǵan saıyn zor mańyzǵa ıe bolyp otyrǵanyn aıtty. Erdoǵan túrki elderiniń strategııalyq mańyzy men órkendeýin Eýropamen baılanysty úzdiksiz qamtamsyz etetin Transkaspıı Halyqaralyq Kólik Dálizi (Orta dáliz) bastamasy odan saıyn arttyra túsetinine senimdi.

Sondaı-aq sammıt qorytyndysy boıynsha qabyldanǵan deklarasııaǵa sáıkes, keńestiń Qurmetti Tóraǵasy Nursultan Nazar­baevtyń Túrki keńesiniń ataýyn ózger­tý týraly bastamasy qoldaý taýyp, syrtqy ister mınıstrleri men hat­shy­lyqqa 2021 jyldyń kúzinde Túrkııada óte­tin Túrki Keńesiniń 8-shi sammıtinde osy sheshimniń negizin qalaý úshin tıisti qu­jat­tar daıyndaý tapsyryldy. Odan bólek, Túrkistan qalasy «Túrki áleminiń rýhanı astanasy» dep jarııalandy. Ekonomıkalyq zor múmkindikterdi atap ótken memleket basshylary keńestiń strategııalyq mańyzy bar óńirlik jobalardy, atap aıtqanda, kólik, keden, energetıka jáne ınfraqurylym salasyndaǵy bastamalardy tıimdi júzege asyrýdyń mańyzdylyǵyna nazar aýdardy.