Kezekti shaǵyn hakerler forýmdarynyń birinde qatysýshylardyń biri áleýmettik jeli qoldanýshylary jaıly qupııa aqparatty ınternette jarııalaǵan. Ashyq derekterge 106 elden 533 mıllıonnan astam adamnyń málimeti taraǵan. Olardyń ishinde AQSh-tan 32 mıllıon, Ulybrıtanııadan 11 mıllıon, Úndistannan 6 mıllıon qoldanýshy jaıly aqparat bar. Onda áleýmettik jelige tirkelgen azamattardyń telefon nómirleri, Facebook ıdentıfıkatorlary, tolyq aty-jóni, turyp jatqan jeri, týǵan kúni, ómirbaıany jáne keıbir jaǵdaılarda elektrondy poshta mekenjaılary bar.
Insider ınternette taraǵan derekterdiń úlgisin qarap shyǵyp, Facebook-tiń keıbir paıdalanýshylarynyń telefon nómirlerin derekter jınaǵynda kórsetilgen ıdentıfıkatorlarmen sáıkestendirý arqyly birneshe jazbany tekserip kórgen.
Facebook ókili basylymǵa derekterdiń urlanýyna kompanııanyń 2019 jyly engizgen túzetýleriniń álsizdigi sebep bolýy múmkin ekenin aıtqan. Internette kez kelgen adamǵa qoljetimdi bul aqparat kıberqylmyskerlerdiń qolyna tússe, qoldanýshylardy aldap soǵýy ábden múmkin.
