Palata Spıkeri elshiniń qazaqstandyq-japondyq qarym-qatynasty, sonyń ishinde, parlamentaralyq baılanysty nyǵaıtýǵa qosqan aıryqsha eńbegine toqtaldy.
Búginde Japonııa Qazaqstannyń mańyzdy strategııalyq áriptesteriniń biri sanalady.
Nurlan Nyǵmatýlın atap ótkendeı, bizdiń elderimizdi beıbit ómir qundylyqtary, áleýmettik-ekonomıkalyq damýdy qamtamasyz etýge baǵyttalǵan ortaq ustanymdar biriktiredi.
Májilis Tóraǵasy Nur-Sultan men Tokıo arasyndaǵy dástúrli dostyq ózara tıimdi áriptestik jáne yntymaqtastyq negizinde joǵary deńgeıde damý jolyna túskenin alǵa tarta kelip, bul baǵytta Qazaqstannyń Tuńǵysh Prezıdenti Nursultan Nazarbaevtyń róli zor ekenin atap ótti.
Qazirgi ýaqytta Memleket Basshysy Qasym-Jomart Toqaev atalǵan elmen qatynasty odan ári tereńdetýge kóńil bólip keledi.
О́z kezeginde Tasýhıko Kasaı bıyl Táýelsizdigine 30 jyl tolatyn Qazaqstan, osy ýaqyttar ishinde tolaǵaı tabystarǵa qol jetkizgenin, bul tıimdi saıası basshylyqtyń jáne birligi jarasqan halyqtyń eren eńbegi ekenin aıtyp, shynaıy rızashylyq sezimin bildirdi.
