Halyq memlekettik qyzmetter sapasyna razy ma?

Saýalnamany Qazaqstandaǵy BUU Damý baǵdarlamasynyń qoldaýy­men «Talap» qoldanbaly zertteýler orta­lyǵy júrgizgen. Qoǵamdyq monı­torıngtiń maqsa­ty – qyzmetti alýshylardyń memleket­tik qyzmetter kórsetý sapasyna, qol­jetimdi­ligine jáne tártibine qanaǵattaný deńgeıin aıqyndaý, sondaı-aq barlyq memlekettik organ men «Azamattarǵa arnalǵan úkimet» memlekettik korporasııasy kórsetetin qyzmettiń sapasy men qoljetimdiligi týraly qyzmet alýshylardyń usynystary negizinde olardy kórsetý kezindegi problemalyq máselelerdi anyqtaý.

Zertteýdiń negizgi tásilderine mynalar jatady: sandyq (jappaı saýalnama) jáne sapalyq («tereń suhbat», «jasyryn satyp alýshy», fokýs-toptyq suhbat). Zertteý memlekettik qyzmetterdi kórsetý sapasyn baǵalaýdyń myna negizgi ólshemsharttary boıynsha júrgizildi: qoljetimdilik (qyzmet alý barysynda ǵımaratqa, qyzmet alýshynyń servısterine, yńǵaılylyqqa jáne jaılylyqqa qoljetimdiligi); aqparat (qyzmetti alý tártibi týraly tolyq aqparat); qyzmetkerler (personaldyń jáne vırtýaldy keńesshilerdiń jumy­sy); rásim, merzimder men kútý ýaqyty, shyǵyndar jáne keri baılanys (shaǵym­danýdyń qoldanystaǵy tártibine jáne nátıjelerine).

Saýalnama eldiń barlyq óńirin, onyń ishinde 260-tan astam eldi meken men ózge elderdiń turǵyndaryn qosa alǵanda 9 myń respondentti qamtydy (jeke jáne zańdy tulǵalar, jeke kásipkerler, sarapshylar).

Sonymen, qoǵamdyq monıtorıng qorytyndysy boıynsha halyqtyń mem­lekettik qyzmetter kórsetý sapasyna qanaǵattaný deńgeıi 75,1%-dy quraǵan. Ortalyq memlekettik organdar arasynda birinshi orynda Ulttyq ekonomıka mınıstrligi, onyń qyzmetteri eń joǵary ballmen baǵalandy – 4,87 ball jáne qanaǵattaný deńgeıi – 88,1%. Ekinshi jáne úshinshi orynda Qorǵanys mınıstrligi (4,86 nemese 88,7%) men Memlekettik qyzmet isteri agenttigi (4,86 nemese 85%).

Reıtıngtiń aýtsaıderleri: Sıfr­lyq damý, ınnovasııalar jáne aero­ǵarysh ónerkásibi mınıstrligi (4,59 ball nemese 72,1%); Aqparat já­ne qo­ǵam­dyq damý mınıstrligi (4,53 nemese 72,6%); Indýstrııa jáne ınf­ra­qurylymdyq damý mınıstr­ligi (4,49 nemese 70,6%).

Jergilikti atqarýshy organdar arasynda birinshi oryndy Aqmola oblysy (4,73 ball nemese 80,3%) aldy. Ekinshi jáne úshinshi orynda Pavlodar (4,71 nemese 78,4%) jáne Shyǵys Qazaqstan (4,68 nemese 77,2%) oblystary.

О́ńirler reıtınginiń aýtsaıderleri: Shymkent (4,56 nemese 73,4%), Almaty  (4,56 nemese 73,3%) jáne Nur-Sultan (4,56 nemese 72,7%) qalalary.

Monıtorıng barysynda qyzmet alýshylar memlekettik organdardyń shaǵymdarǵa keri baılanystyń álsiz­digi, Memlekettik qyzmetterdi ashyq qoljetimdilikte kórsetý tártibi týraly qajetti aqparatty izdeýdiń qıyn­dyǵy bóligindegi jumysyna nara­zy­lyqtaryn bildirgen. Sondaı-aq mem­lekettik qyzmetterdi kórsetýdiń jekelegen prosesterin avtomattandyrý, aqparattyq júıelerdi «elektrondy úkimet» portalymen ıntegrasııalaý bo­ıynsha usynystar kelip túsken.

Azamattardyń shaǵymdarynyń kóp­shiligi 1414 Biryńǵaı baılanys orta­lyǵy­nyń (BBO) qyzmetine baılanysty bol­ǵan (qońyraý shalý múmkindiginiń joq­tyǵy, konsýltasııalardyń tó­men sapasy, BBO qyzmetkerleriniń biliksizdigi).

Múddeli memlekettik organdarǵa 2020 jyly ótkizilgen qoǵamdyq monıtorıng qorytyndysy joldandy, osynyń negizinde memlekettik qyzmetterdi kór­setý sapasyna qoǵamdyq monıtorıng ese­binde kórsetilgen usynymdardy oryn­daý bo­ıynsha sharalar qabyldanbaq. Qoǵam­dyq monıtorıng usynymdaryn oryn­daý Memlekettik qyzmet isteri agent­ti­giniń turaqty baqylaýynda bolady.

Esterińizge sala keteıik, Qazaqstan­da 2014 jyldan bastap «Memlekettik kór­setiletin qyzmetter týraly» zańǵa sáıkes memlekettik qyzmetterdi kór­setý sapasyna qoǵamdyq monıtorıng júr­gizilip keledi.