«Memleket basshysy óz Joldaýynda reformalar men «polısııa jaqyn mańda» qaǵıdaty boıynsha jumysty uıymdastyrý qajettigin atap ótti, munda basty ról ýchaskelik polısııa qyzmetkerine júkteledi, ol turǵyndaryna jaqyndaı túsýi kerek, tanymal, qoljetimdi, azamattar úshin bedeldi jáne olardyń quqyqtaryn qorǵaıtyn bolýy tıis. Osy qaǵıdany júzege asyrý úshin biz ýchaskelik polısııa pýnktterine qajetti ǵımarat joq jerlerde 36 oryndy anyqtadyq. Qarqyndy damýdy jáne Almaty oblysynyń birqatar eldi mekenderiniń qalaǵa qosylýyn eskersek, búgingi tańda bul kezek kúttirmeıtin qajettilik. Polısııanyń jańa pýnkteriniń ashylýy polısııanyń turǵyndarmen qaýipsizdigin qamtamasyz etý máselelerindegi ózara is-qımylyna oń áser etedi», dedi Almaty qalalyq Polısııa departamentiniń bastyǵy Qanat Taımerdenov.
Sonymen qatar ol keshendi jospar úsh kezeńde júzege asyrylatynyn jáne 2021, 2022, 2023 jyldarǵa arnalǵandyǵyn atap ótti. Barlyǵy 36 jyljymaıtyn múlik nysandaryn satyp alý josparlanýda, onyń 19-y salynyp jatqan turǵyn úı keshenderinen ýchaskelik polısııa pýnkterine jáne taǵy 17-si jeke sektorda.
