Onyń pikirinshe, kásipkerlerdiń sanasynyń ózgerýi de mańyzdy. Isterdi júrgizý kezinde parasattylyq myzǵymas standart bolýy kerek.
«Komplaens-qyzmetterdi qoldaný tájirıbesi halyqaralyq deńgeıdegi korporatıvtik sektorda keńinen damyǵan. Osy turǵydan alǵanda, bizdiń elimizdiń aýmaǵynda jumys isteıtin transulttyq kompanııalarda osyndaı qyzmetterdiń bolýy qýantady. Olardyń qatarynda «Teńiz Shevroıl», «Shevron», «Lýkoıl», «Shell» bar», dedi A.Shpekbaev.
Onyń aıtýynsha, atalǵan prosess eldiń kvazımemlekettik sektorynda da jandana túsýde. Mysaly, komplaens bólimsheleri «Samuryq-Qazyna» qorynda jáne onyń quramyna kiretin 12 kompanııada jumys isteıdi. Sonymen qatar, komplaens-qyzmetterdi qurý boıynsha jumys Qazaqstannyń iri jeke kompanııalary tarapynan da qoldaý tapty.
