Bul oqıǵa 77 jyl buryn bolǵan: eki maıdandas dos, nenes Ivan Iаptık pen qazaq Muhtar Qaıshataev bir-birine soǵystan keıin qazaq jerinde kezdesýge ýáde bergen eken. «Maıdandas dostar – nenes Ivan Iаptık pen qazaq Muhtar Qaıshataev Qazaqstannan kelgen hatty oqyp otyr» degen jazýy bar, birge túsken fotosýret áli kúnge saqtaýly.
Jaýyngerler 2-shi Belarýs maıdanynyń 46-shy atqyshtar dıvızııasynyń 340-shy atqyshtar polkiniń quramynda bolǵan. О́kinishke qaraı, ekeýi de ýádelerin oryndaı almaı, 1945 jyly maıdan dalasynda qaza tabady.
«Eki el izdeýshileriniń birlesken jumysynyń arqasynda qarýlas joldastardyń nemereleri tabyldy. Olar 77 jyl buryn atalary bergen ýádelerin oryndaý úshin Qazaqstannyń bas qalasynda bas qosyp, osylaısha fashızmdi jeńgen Qazaqstan men Reseı halyqtarynyń birligin, ýaqyt arqyly saqtalǵan qurmet pen sabaqtastyqtyǵyn kórsetti», dedi «Iаmal plasdarmy» izdeý otrıady» kommersııalyq emes seriktestiginiń tóraǵasy Andreı Gýnıchev.
Is-shara aıasynda izdeýshiler men jaýyngerlerdiń urpaqtary ózderiniń qyzmetteri men kezdesýdiń tarıhy týraly aqparat beredi.
Sonymen qatar Muhtar Qaıshataevtyń týystarymen kezdesý úshin Reseı delegasııasynyń Semeı qalasyna saparyn uıymdastyrý josparlanǵan.
«Otan tarıhyn, halyqtyń mádenıetin, salt-dástúrin bilý – patrıotızm jáne ulttyq biregeılikti jańǵyrtýdyń negizi. Qazirgi ýaqytta tarıhı sanany qalyptastyrýǵa, memlekettilikti jáne qazaq halqynyń ulttyq biregeıligin nyǵaıtýǵa erekshe mán berilip otyr», dedi «Atamnyń amanaty» QB basqarma tóraǵasy Murat Moldaǵalıev.
Is-sharany «Atamnyń amanaty» qoǵamdyq birlestigi, «Rýhanı jańǵyrý» qazaqstandyq qoǵamdyq damý ınstıtýty, Nur-Sultan qalalyq ardagerler keńesi jáne Nur-Sultan qalasy boıynsha «Rýhanı jańǵyrý» jobalyq keńsesi uıymdastyrdy.
