Ol Halyk Bank-ten elordada alǵashqy júz turǵynnyń úılerin gazben jabdyqtaýdyń ortalyq jelilerine qosý úshin paıyzsyz kredıt berýdi kózdeıdi.
Halyqtyń ekologııalyq taza kógildir otynǵa kóshýin jedeldetý úshin qarjylyq yntalandyrýdyń qosymsha sharalaryn engizý qajet.
Osyǵan baılanysty Halyk Bank asa iri áleýmettik jaýapty qarjy ınstıtýty retinde, óz úılerin gazǵa qosýdy qalaıtyn birinshi júz abonentke paıyzsyz kredıt bere otyryp «ECOJER» qaýymdastyǵynyń bastamasyn qoldady.
«Búginde ekologııa máselesi óte ózekti, ásirese iri otandyq megapolıster úshin. Sondyqtan Halyk Bank ekologııany jaqsartýǵa jáne aýa basseınin tazartýǵa baılanysty birqatar bastamalardy qoldaıdy. Búgin biz Nur-Sultan qalasyndaǵy turǵyn úılerdi gazdandyrý jobasyn qoldaýǵa daıyn ekenimizdi málimdedik. Joba qosý boıynsha jumystardyń barlyq kólemine eseptelgenin atap ótkim keledi, ıaǵnı bank gazdy turǵyn úıge jetkizýden bastap, barlyq qajetti gaz kommýnıkasııalaryn qosýǵa jáne qajetti jabdyqty ornatýǵa paıyzsyz qaryz beredi. Bul bizdiń elordanyń áýe basseınin saýyqtyrýǵa qosqan úlesimiz. Biz óz tarapymyzdan Elordanyń bıznes-qoǵamdastyǵyn bizdiń bastamamyzǵa qosylýǵa shaqyramyz», - dep atap ótti Halyk Bank Basqarma tóraıymy Úmit Shaıahmetova.
Nur-Sultan qalasy boıynsha paıyzsyz kredıt berý baǵdarlamasynyń sharttary boıynsha elorda turǵyndary 750 000 teńgege deıingi somaǵa, 18 aıǵa deıingi merzimge jyldyq 0% - ben kredıt ala alady (qaryzdy uıymdastyrǵany úshin komıssııa nebári 0.1% - dy quraıdy).
Osylaısha, júzden astam otbasy gazǵa kóshýge múmkindik alady, óz jaǵdaılaryn edáýir jaqsartady jáne eń bastysy atmosferaǵa zııandy shyǵaryndylardy azaıtýǵa yqpal etedi.
«ECOJER» qaýymdastyǵy Keńesiniń tóraıymy Lazzat Ramazanova bul áleýmettik mańyzy bar joba Memleket basshysynyń elordany gazdandyrý jónindegi tapsyrmasyn oryndaýdy qoldaý maqsatynda iske asyrylyp jatqanyn atap ótti.
«ECOJER Qazaqstan bıznesiniń eń iri ekologııalyq seriktesi bola otyryp, kásiporyndardyń qorshaǵan ortaǵa teris áserin azaıtýdy jáne halyqtyń ómir súrý sapasyn jaqsartýdy óz maqsattarynyń biri dep sanaıdy. Aýanyń lastanýy tek ekologııalyq problema ǵana emes, sonymen birge ekonomıkalyq problema bolyp tabylady.Sarapshylardyń baǵalaýy boıynsha aýa sapasynyń nasharlyǵy ekonomıkanyń ósýin baıaýlatady jáne JIО́-den jyl saıyn 1,5-2% shyǵyn bolýyna yqpal etedi. Biz Halyk Bank pen qala ákimdigine elorda halqy tabıǵı gazdy óte tıimdi qarjylyq sharttarda paıdalanýǵa kóshýi jónindegi jobany qoldaǵany úshin alǵysymyzdy bildiremiz. Alǵashqy júz qatysýshy osy úlken qadamnyń jaqsy bastaýy bolady jáne joba basqa qarjy ınstıtýttarynyń qatysýymen keńeıe túsedi dep úmittenemiz", - dedi Lazzat Ramazanova.
Paıyzsyz nesıe alý úshin baǵdarlamaǵa qatysýshylar:
- keńes alý, ólsheý men qunyn esepteýdi júzege asyrý úshin jaqyn jerdegi uıymǵa («Capital Construction 2020» JShS) júginýi;
- gazdy qosý úshin «QazTransGaz Aımaq» AQ tehnıkalyq sharttar alýy;
- jetkizýshimen shart jasap, «ECOJER» qaýymdastyǵynyń «Jasyl sertıfıkatyn» alýy;
- shartpen jáne sertıfıkatpen Halyk Bank-tiń eki bólimshesiniń birine paıyzsyz kredıt alý úshin júginýi kerek (Jeńis dańǵyly, № 72 úı jáne Beıbitshilik kóshesi, № 24 úı, № 4 t.e.j.).
Tolyǵyraq aqparat halykbank.kz jáne ecojer.kz saıttarynan alýǵa bolady.
