Tarıh • 08 Sáýir, 2021

Elimizde Ulttyq jad ınstıtýty qurylady

67 ret kórsetildi

Memlekettik hatshy Qyrymbek Kósherbaevtyń tóraǵalyǵymen Saıası qýǵyn-súrgin qurbandaryn tolyq aqtaý jónindegi memlekettik komıssııanyń ekinshi otyrysy ótti, dep habarlaıdy Egemen.kz Aqordanyń baspasóz qyzmetine silteme jasap.

Jıyn barysynda Saıası qýǵyn-súrgin qurbandaryn tolyq aqtaý jónindegi memlekettik komıssııa men onyń óńirlik fılıaldarynyń bıylǵy atqarǵan qyzmeti talqylandy.

Memlekettik komıssııanyń tóraǵasy Q.Kósherbaev atalǵan komıssııanyń jumysyn uıymdastyrý kezeńi aıaqtalyp, elimizdiń túrli arhıvterinde ǵalymdardyń jáne sarapshylardyń belsendi zertteý jumystary bastalǵanyn atap ótti.

Komıssııanyń qyzmetin qamtamasyz etý úshin arnaıy Jobalyq ofıs qurylyp, onyń quramyna ǵalymdar, zertteýshiler jáne memlekettik organdardyń ókilderi kirgen. Sonymen qatar Memlekettik komıssııa jumysynyń barlyq baǵytyn tolyq qamtý úshin 11 jumys toby quryldy. Ár top óz qyzmetin qýǵyn-súrgin qurbandarynyń sanatyna sáıkes taqyryptyq josparlar men belgili bir ádistemeler aıasynda júzege asyrady.

Memlekettik komıssııanyń jumysyn júıeli uıymdastyrý úshin elimizdiń barlyq aımaqtarynda saıası qýǵyn-súrgin qurbandaryn tolyq aqtaý jónindegi óńirlik komıssııalar quryldy. Olardy oblystardaǵy ákimderdiń orynbasarlary basqarady jáne quramynda ǵalymdar, kórnekti qoǵam qaıratkerleri jáne memlekettik organdar men uıymdardyń ókilderi bar.

Bilim jáne ǵylym mınıstri A.Aımaǵambetov májilis barysynda jumys toptarynyń barlyq múshesi jabyq jáne arnaıy arhıvterde jumys isteýge ruqsat alǵanyn atap ótti. Ǵalymdardyń jalaqysy men barlyq áleýmettik tólemderi saqtala otyryp, joǵary oqý oryndary men ǵylymı-zertteý ınstıtýttaryndaǵy negizgi jumystarynan ýaqytsha bosatyldy.

Mádenıet jáne sport mınıstri A.Raıymqulova Saıası qýǵyn-súrgin máseleleri jónindegi arnaıy arhıv qoryn jáne Ulttyq jad ınstıtýtyn qurý jumystary týraly aıtty.

Otyrys barysynda Saıası qýǵyn-súrgin jónindegi jabyq arhıv qorlaryn jan-jaqty zerdeleý jáne olardy kezeń-kezeńimen qupııasyzdandyrý úshin shaǵyn komıssııa qurý jóninde sheshim qabyldandy.

Jıyn qorytyndysy boıynsha Memlekettik hatshy vedomstvolyq jáne memlekettik arhıvterdiń qyzmetin jetildirýge, arhıvterdegi ǵalymdar men zertteýshilerdiń jumysy úshin qolaıly jaǵdaı jasaýǵa baǵyttalǵan birqatar tapsyrma berdi. О́ńirlik komıssııalardyń qyzmetin jandandyryp, olardyń qyzmetin qarjylandyrý, sondaı-aq, Memlekettik komıssııa qyzmetiniń aqparattyq strategııasyn qalyptastyrý mindetteri belgilendi.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar