Qarjy • 08 Sáýir, 2021

Ulttyq bank tóraǵasynyń keńesshisi jańa júıe týraly aıtty

21 ret kórsetildi

Ulttyq Bank Tóraǵasynyń keńesshisi Oljas Tóleýov  Galymzhan júıesi, onyń erekshelikteri men múmkindikteri týraly túsindirip berdi, dep jazady Egemen.kz.     

Oljas Tóleýov  naqtylap aıtyp ótkendeı,  Galymzhan - Ulttyq Bank mamandary jasap shyǵarǵan jáne únemi jetildirip otyrǵan analıtıkalyq baǵdarlama. Bul qural eń aldymen ınflıasııanyń proksı-ındıkatoryn qurý arqyly tutyný naryǵyndaǵy baǵalardy kún saıyn baqylaý úshin jáne sol kezdegi jaǵdaıǵa baǵa berý úshin paıdalanylady.

«Inflıasııalyq targetteý saıasatyn ustanatyn ortalyq bankter úshin qazirgi ýaqytta bolyp jatqan ınflıasııalyq úrdisterdi baqylaý jáne taldaý mańyzdy ekeni anyq. Baǵanyń ózgerisine qatysty ýaqytyly aqparat alyp otyrsa,  ár túrli daǵdarys kezinde áreket etip,  qajet bolǵan jaǵdaıda aqsha-kredıt saıasaty boıynsha sheshimderdi ýaqytynda túzetýge múmkindik beredi. Biraq, solaı bola tura, tutynýshy korzınasyndaǵy taýarlardyń baǵasyndaǵy ózgeriske jedel analız jasaýdy tejep otyrǵan faktor – resmı baǵa statıkasynyń jıi jarııalanýy» deıdi Ulttyq bank tóraǵasynyń keńesshisi.

Máselen, aıdyń sońynda Qazaqstanda tutyný baǵalarynyń ındeksin Ulttyq statıstıka bıýrosy  jarııalaıdy, al áleýmettik mańyzy bar azyq-túlik taýarlarynyń ınflıasııasy týraly málimetter apta saıyn usynylady. Bul óte mańyzdy jáne jedel aqparat.

Alaıda, jekelegen sátterde ekonomıkalyq jaǵdaıǵa neǵurlym egjeı-tegjeıli jáne tıimdi taldaý júrgizý jetkiliksiz bolýy múmkin. Osyǵan baılanysty Galymzhan júıesi sııaqty zamanaýı ádister men quraldardyń qajettiligi týyndaıdy. 

«Galymzhan júıesiniń jumysy veb-skrepıng tehnologııasyn qoldanýǵa negizdelgen, ıaǵnı, ınternettegi baǵalar týraly aqparat avtomattandyrylǵan tásilmen jınalady.  Aıtpaqshy, bul pandemııa kezinde ınternet-dúkender men bólshek saýdagerlerdiń qyzmeti týraly aqparattardyń ár túrli agregatorlary Qazaqstanda belsendi damydy, dál osy faktor bizdiń júıemizdi damytýǵa erekshe serpin berdi desek te bolady.  Bul baqylaý bazasyn jáne taýarlardyń reprezentatıvti túrin edáýir keńeıtýge múmkindik berdi» deıdi O. Tóleýov.

Sondaı –aq Ulttyq bank ókili monıtorıng júıesimen qamtylǵan taýarlar sany týraly da túsindirip ótti. «Biz qazir júıeniń ekinshi nusqasyn daıyndap jatyrmyz, ol Galymzhan 2.0 dep atalady. Qazir ol ázirge synalyp jatyr. Baǵdarlama kún saıyn Qazaqstannyń 6 qalasyndaǵy ár túrli brendterdiń 16 resmı ınternet-resýrsynda bar 140 myńǵa jýyq azyq-túlik jáne tutyný taýarlaryn baqylaıdy. Bul – Nur-Sultan, Almaty, Shymkent, Qaraǵandy, Pavlodar, О́skemen qalalary. Kóp uzamaı soltústik pen batystaǵy qalalardy da qamtý oıda bar. Sondaı-aq baǵdarlamany synaý kezeńinde baǵalardyń ózgerýin tolyq jınaqtaý jáne taldaý tek 19 ónimniń quramyna kiretin áleýmettik mańyzy bar azyq-túlik taýarlar toby (budan ári – NWPT) boıynsha júzege asyp jatyr. О́ıtkeni, Ulttyq statıstıka bıýrosy apta saıyn osy sebetke kiretin baǵalardyń ózgergeni týraly málimetterdi kún saıyn jańartyp otyrady. Júıeni testileý kezinde biz nátıjeni apta saıynǵy statıstıkalyq keńestiń málimetterimen salystyramyz» deıdi Oljas Tóleýov.

Galymzhan júıesindegi áleýmettik mańyzy bar azyq-túlik taýarlary toby boıynsha biz jınaqtaǵan málimetterdi taldaý barysynda ınternet-dúkenderdiń málimetteri Ulttyq statıstıka bıýrosynyń klassıkalyq zertteý ádisimen belgilengen baǵalarmen salystyrǵanda tez ózgeretini anyqtaldy. Bul ınternet-dúkenderdegi taýar aınalymynyń joǵarylaýymen jáne baǵany jańartýǵa aıqyn shyǵyndardyń bolmaýymen baılanysty bolýy múmkin. Makroekonomıkadaǵy bul qubylys «mázir effektisi» dep atalady.

«Sonymen qatar, ınternet-dúkenderdegi baǵanyń ósý qarqyny kóp jaǵdaıda bólshek saýda núktelerine qaraǵanda tómen ekenin baıqadyq. Boljam boıynsha, bul fakt óziniń jeke ınternet-dúkeniniń bolýy iri azyq-túlik tizbeginiń quzyretine baılanysty, munda túpkilikti ónimniń quny masshtabty únemdeýge baılanysty jalǵyz saýda núktelerimen salystyrǵanda tómen bolýy múmkin.Biz, sondaı-aq, onlaın-baǵanyń ózgerýi men Ulttyq statıstıka bıýrosynyń klassıkalyq zertteý ádisimen tirkelgen baǵalar arasyndaǵy ýaqyttyń artta qalýyn baıqadyq. Bul, óz kezeginde, Galymzhan júıesimen eseptelgen ındıkatordy jetekshi ındıkator retinde jáne áleýmettik mańyzdy ónim baǵalarynyń ózgerýi týraly resmı derekterdiń boljamy retinde paıdalanýǵa múmkindik beredi» deıdi Oljas Tóleýov.

Júıeni jalpyǵa qol jetimdi etý múmkindikteri týraly naqtylap ótken Ulttyq bank ókili  barlyq qajetti tehnıkalyq synaqtardy ótkizgennen keıin, belgili bir aqparattardy jınaqtaǵannan keıin, taýarlar baqylaýlarynyń sanyna, saýda ataýlaryna, geografııalyq qamtýǵa jaqyndaǵannan keıin múmkin bolǵanyn eske saldy. «Bul óz kezeginde proksı-ınflıasııanyń sońǵy ındıkatorynyń úlken reprezentatıvtiligin qamtamasyz ete alady. Ol úshin, árıne, biraz ýaqyt kerek.

Ekonomıkalyq agentter úshin, aqyrǵy túrinde, proksı-ınflıasııanyń jalpy ındıkatoryn qazaqstandyq qalalarda naqty dúken sórelerindegi taýar baǵalaryna deıin «bólýge» múmkindik beretin júıeniń bolýy, bizdiń oıymyzsha, eldegi resmı ınflıasııa kórsetkishterine bıznes pen halyqtyń senimin kúsheıtedi. Saıyp kelgende, bul ınflıasııalyq kútýlerdi tıimdi túrde bekitip, ınflıasııany targetteý rejıminde Ulttyq Banktiń aqsha-kredıt saıasatynyń tıimdiligin arttyra alady» deıdi Ulttyq bank ókili.

О́z kezeginde, sarapshylar, akademııalyq orta men qarjy naryǵynyń qatysýshylary úshin júıeniń nátıjeleri mańyzdy aqparat kózine aınalýy múmkin, onyń negizinde ınflıasııalyq prosesterge qatysty mańyzdy jáne egjeı-tegjeıli ǵylymı-qoldanbaly zertteýler júrgizýge bolady.

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

505-shi túrmeniń tutqyndary

Tarıh • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Uqsas jańalyqtar