«О́ner men mádenıettegi Qazaqstan etnostarynyń ókilderi: esimnamalar ensıklopedııasy» atty basylym QHA Qazaqstan halqy Assambleıasy qyzmetiniń «Kópetnosty qazaqstandyq qoǵamdy toptastyrý jalpyulttyq ıdeıanyń negizi retindegi» ǵylymı baǵytynyń bastamashyl jobasy jáne «Mádenıet pen óner salasynyń básekege qabilettiligin arttyrý, Qazaqstandyq mádenı murany saqtaý, zerdeleý men tanymal etý» baǵdarlamasy negizinde daıyndalǵan.
Jıyn T.Q.Júrgenov atynaǵy QazUО́A rektory Aqan Abdýalıevtiń alǵy sózimen bastaldy. «Tulǵalar ensıklopedııasy oqyrmandardy túrli etnostardyń ókilderimen, olardyń táýelsiz memlekettiń qalyptasýy men damýyna qosqan úlesimen tanystyrady. Bul – el men eldiń arasyndaǵy birlikti bekemdeı túser qadam ekeni kámil» deı kele, eńbektiń jaryq kórýine kúsh salǵan, atsalysqan barshasyna alǵys bildirdi. «Materıaldardy jınap, baspaǵa daıyndaǵan QHA ǴSK múshesi, T.Q.Júrgenov atyndaǵy QazUО́A prorektory, s.ǵ.d. Sh.Ámirbekov jáne QHA ǴSK múshesi, t.ǵ.d., professor M.Shaımerdenova. Atalmysh ensıklopedııa QHA jáne QR Qoldanbaly etnosaıası zertteýler ınstıtýtynyń qoldaýymen jaryq kórip, akademııanyń Ǵylymı keńesimen usynyldy. Osynaý ıgilikti bastamaǵa úlesin qosqan barsha azamattarǵa alǵysymdy bildiremin», dedi A.Abdýalıev.
Jıynnyń eń mańyzdy tusy – kitaptyń tanystyrylymyn T.Q. Júrgenov atyndaǵy QazUО́A professory, t.ǵ.k., HAA akademıgi, QHA múshesi, QHA ǴSK múshesi Meńdiǵanym Shaımerdenova jasady.
Qorytyndy kezekte, qatysýshy qonaqtarǵa sóz berilip, pikir almasý boldy. «Mádenıet – jan azyǵy. Menińshe, jastar ómir súrip otyrǵan eliniń órkendeýine qaltqysyz qyzmet etkenderdiń esimin, júrip ótken jolyn bilýi, tanýy kerek. Biz – bir elmiz. Elbasy N.Á.Nazarbaevtyń bastamasymen Qazaqstan halqy Assambleıasy quryldy. Osyndaı beıbit memlekette ǵumyr keship jatqanymyzben maqtanamyz!», dedi QHA múshesi, Almaty qalasyndaǵy «Arıana» – Aýǵan etnomádenı birlestiginiń tóraǵasy Ahmadýlla Vostok.
Sharaǵa QR Parlamenti Májilisiniń depýtattary, ál-Farabı atyndaǵy QazUÝ men T.Q. Júrgenov atyndaǵy QazUО́A professorlyq-oqytýshylyq quramy, stýdentter, magıstranttar, doktoranttar, QHA músheleri, QHA Almatydaǵy ǴSK músheleri, QR AQDM «Qoǵamdyq kelisim» RMM ókilderi, «QHA «Shańyraq» kafedralar qaýymdastyǵy» RQB tóraǵasy men ókilderi, respýblıkalyq EMB jetekshileri, belsendileri, jastar, Respýblıkalyq Dostyq Úıiniń ókilderi, ǵylymı jáne shyǵarmashylyq ıntellıgensııa atsalysty.
Sondaı-aq, Alys jáne Jaqyn shetelderden: Avstrııa, Reseı, Reseı Federasııasy Respýblıkalarynyń qurmetti qonaqtary – Eýrazııa halyqtary Assambleıasynyń músheleri, Reseı halyqtary Assambleıasy Keńesiniń músheleri, ǵalymdary qatysty.
Qatysýshylar ensıklopedııa boıynsha áli de keleli jumystardyń jasalatyndyǵyn alǵa tartyp, bolashaqta basylym qosymshalarynyń shyǵatyndyǵyna senim bildirip, avtorlarǵa úlken úmit artty.
Túrli ult ókilderiniń basyn quraǵan dóńgelek ústel, rýhanııat qorjynyn tolystyrǵan ensıklopedııanyń jaryq kórýimen quttyqtaý legimen, uıymdastyrýshylarǵa qarata aıtylǵan alǵys sózdermen támamdaldy.
