О́ńirlik kommýnıkasııalar qyzmetinde ótken brıfıngte osyndaı derekter keltirgen oblystyq sanıtarııalyq-epıdemııalyq baqylaý departamenti basshysynyń orynbasary Asqar Ysqaqov karantın talaptaryn saqtamaǵandardyń qatarynda 46 jeke kásipker, 2– zańdy, 26 – laýazymdy, 1671 jeke tulǵa baryn aıtty. «Tyıym salynǵan 235 merekelik is-shara tirkeldi. Sondaı-aq 51 kókpar uıymdastyrylǵany belgili boldy. Budan bólek kópshilik orynda betperde taqpaý, qoǵamdyq tamaqtaný oryndarynyń jumys rejımin saqtamaý syndy derekter tirkelýde. Máselen, bir kúnniń ishinde Saıram, Saryaǵash, Maqtaral, Otyrar, Ordabasy, Qazyǵurt aýdandarynda 7 otbasylyq mereke uıymdastyrylǵan. Jalpy QR Ákimshilik quqyq buzýshylyq týraly Kodeksiniń 425 babynyń 1-bóligi boıynsha 98 580 015 teńge aıyppul salyndy. Sondyqtan barsha oblys turǵyndaryn karantın talaptaryn saqtaýǵa shaqyramyz», dedi Asqar Bekbolatuly.
Oblystyń bas memlekettik sanıtarııalyq dárigeri kásipkerlerdiń jumysyna jeńildik jasap, turǵyndar úshin tamaqtaný oryndarynyń jumys rejımin 9:00-23:00-ge deıin uzartý týraly qaýly shyǵarǵan bolatyn. Degenmen, qaýlyda kórsetilgen ýaqyt rejımin saqtamaǵan 75 qoǵamdyq tamaqtaný orny anyqtalǵan.
