Álem • 09 Sáýir, 2021

Fılıpp hanzadanyń qazasy: Ulybrıtanııada ulttyq aza tutý kúni jarııalandy

1274 ret kórsetildi

Ulybrıtanııa patshaıymy II Elızavetanyń kúıeýi, gersog, Edınbýrg hanzadasy Fılıpp 99 jasynda ómirden ótti, dep habarlaıdy Egemen.kz

Búgin Býkıngem saraıy málim etkendeı, eger Fılıpp hanzada tiri bolǵanda eki aıdan keıin, ıaǵnı 10 maýsym kúni 100 jasqa tolýshy edi.

«Mártebeli Patshaıym qatty qaıǵyryp, óziniń súıikti jary, Edınbýrg gersogi, koroldiktiń mártebeli hanzadasy Fılıpptiń qaıtys bolǵanyn habarlaıdy. Mártebeli hanzada búgin tańerteń Vındzor qamalynda jan tásilim etti» delingen saraıdyń habarlamasynda.

Eske sala keteıik, 2017 jyly gersogtyń densaýlyǵy nasharlap, qoǵamdyq sharalarǵa qatysýdy toqtatqan edi.

Bıyl qańtar aıynda II Elızaveta kúıeýimen birge koronavırýsqa qarsy ekpe saldyrdy. Degenmen, 17 aqpanda hanzada densaýlyǵyna baılanysty aýrýhanaǵa jetkizildi. BAQ kózderi onyń koronavırýs ınfeksııasynan emes, densaýlyǵynan basqa da kinárattar tabylǵanyn jarysa jazdy. Naýryz aıynda onyń júregine kúrdeli ota jasalyp, sátti aıaqtalǵan-dy. Otadan keıin ony qaıtadan qalpyna keltirý úshin Korol Edvard VII aýrýhanasyna ornalastyrdy.

Aıta keteıik, hanzadanyń qazasyna baılanysty aza tutý kúni ony jerlegenge deıin jalǵasady. Al jerleý rásiminiń qashan ótetini ázirge belgisiz. 

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar