Qazaqstan Respýblıkasynyń Prezıdenti Qasym-Jomart Kemeluly «Táýelsizdik bárinen qymbat» maqalasynda Naýryz meıramy tujyrymdamasyn daıyndaý jáne kóktem merekesiniń mazmunyn baıytý týraly tapsyrmasyna sáıkes Mádenıet jáne sport mınıstrligi jańa tujyrymdama tásilderin ázirledi.
Bul baǵyttaǵy alǵashqy qadam Memleket basshysy jarııalaǵan «Taza tabıǵat» aksııasy bolatyn. Naýryz meıramynyń tárbıelik sharttarynyń biri – tabıǵatqa uqypty qaraý, jasyl jelekterdi saqtaý. Bul kúnderi dástúr boıynsha aryqtar tazalanady, turǵyndar jas aǵash kóshetterin otyrǵyzady.
«Mádenıet qyzmetkerleriniń qatysýymen kógaldandyrý, aǵash kóshetterin otyrǵyzý jumysyn Túrkistan qalasynan bastadyq. Mundaı ıgilikti jumys barlyq óńirde jalǵasady», dedi Aqtoty Rahmetollaqyzy.
«Naýryz – tazalyq pen qorshaǵan ortaǵa qamqorlyq merekesi» aıasynda Túrkistan qalasynyń aýmaǵyn abattandyrý, kógaldandyrý úshin qolǵa alynǵan sharaǵa Týrızm jáne qonaqjaılyq ýnıversıteti, «Áziret Sultan» memlekettik tarıhı-mádenı qoryq-mýzeıi» RMQK, Otyrar memlekettik arheologııalyq tarıhı-mádenı qoryq-mýzeıi" RMQK basshylary men qyzmetkerleri Túrkistan qalasyndaǵy jańa áýejaıǵa baratyn joldyń jıegine aq qaıyń, qaraǵaı, bozarsha aǵashtaryn ekti.
