Elordadaǵy «Saıran Arena» sport kesheninde ótken match 4:1 esebimen jerlesterimizdiń paıdasyna sheshildi. Tartysty ótken kezdesýdiń esebin 16-mınýtta Taınan ashty. Ári qaraı Nurbek Qaraǵulovtyń tepken dobynan keıin qarsylas komandanyń oıynshysy Evıatar Barýhıan óz qaqpasyna gol soǵyp aldy. Úziliske deıin Qazaqstan quramasynyń oıynshysy Jomart Toqaev úshinshi goldy soqty. Ekinshi taımda Taınan dýbldiń avtory atanyp, tablodaǵy kórsetkishti 4:0-ge jetkizdi. Kezdesý sońyna qaraı Izraıl quramasynyń oıynshysy Tamır Shkolnık esep aıyrmasyn qysqartty.
Aıta keteıik, bizdiń jigitter ótken týrda syrt alańda Majarstan quramasyn 6:1 esebimen jeńip, merziminen buryn Eýropa chempıonatyna joldama alyp qoıǵan edi.
