Konkýrsqa qatysý úshin áleýetti ınvestorlardan barlyǵy 6 ótinim berildi. Konkýrstyq qujattardyń jobalary atalǵan ulttyq parkterdiń resmı ınternet-resýrstarynda ornalastyrylǵanyn, ár ulttyq park boıynsha konkýrstarǵa qatysýshylarmen aldyn ala talqylaýlar júrgizilgenin atap ótken jón.
О́tkizilgen konkýrstar nátıjesinde «Sharyn» memlekettik ulttyq tabıǵı parki boıynsha «Taýnton Plıýs» JShS quramyndaǵy konsorsıým atynan «QazaqGeography» RQB, «Kólsaı kólderi» boıynsha «Atyraý-Rent» JShS, «Altyn–Emel» boıynsha «Asemtal» JShS quramyndaǵy konsorsıým atynan «QazaqGeography» RQB ótkizilgen jeńimpazdar bolyp tanyldy.
Esterińizge sala keteıik, memlekettik ulttyq tabıǵı parkter aýmaǵynda ekologııalyq týrızmdi damytý maqsatynda «Altyn-Emel», «Kólsaı kólderi» jáne «Sharyn» ulttyq parkterinde ekologııalyq týrızmdi damytý Tujyrymdamalarynyń tusaýkeserleri ázirlenip, ótkizildi.
Olardy talqylaýǵa sheshimderdiń ashyqtyǵyn qamtamasyz etý úshin osy ulttyq parkter janynan qurylǵan Qoǵamdyq keńesterdiń músheleri qatysty.
Tujyrymdamada týrıstik marshrýttar men soqpaqtardyń damýyna, týrıstik nysandardy kúrdeli qurylyssyz ornalastyrýǵa basty nazar aýdarylǵan sondaı-aq, qazirgi zamanǵy vızıt-ortalyqtaryn, glempıngter, kempıngter, qazaq aýyldary men kerýenge arnalǵan oryndardy qurý kózdelgen.
Sonymen birge qabyldanǵan Tujyrymdamalarǵa sáıkes ekotýrızm ınfraqurylymyn damytý turǵysynan Almaty tobyndaǵy ulttyq parkterdiń bas josparlaryn túzetý boıynsha jumystar júrgizildi.
Bul rette, týrıstik-rekreasııalyq qyzmetti júzege asyrý úshin ulttyq parkterdiń ýchaskeleri ulttyq parkterde týrıstik-rekreasııalyq qyzmetti júzege asyrý Erejelerine sáıkes konkýrstyq rásimder ótkizilgennen keıin uzaq merzimdi paıdalanýǵa beriledi.
Osylaısha, Tujyrymdamany iske asyrý úshin úsh ulttyq park boıynsha 14,5 mlrd teńge, onyń ishinde Sharyn ulttyq parki boıynsha 4,5 mlrd teńge, «Kólsaı kólderi» boıynsha 5 mlrd teńge, «Altyn-Emel» boıynsha 5 mlrd teńge kóleminde ınvestısııalar tartyldy.
