«Qazgıdromet» RMK SQO fılıalynyń málimetinshe, óńirdegi barlyq sý qoımalarynda sý deńgeıi kóterilip jatyr. Al Kovylnoe eldi mekeniniń mańyndaǵy Aqanburlyq ózeninde muz keptelisi paıda bolyp, sý deńgeıi 40 sm deıin tústi.
Muz keptelisi Toqsan bı aýylynyń mańynda Esil ózeninde de baıqalady. Oblystaǵy Imanburlyq, Aqanburlyq, Sharyq, Qamysaqty shaǵyn ózenderinde sý deńgeıi kúnnen-kúnge kóterilip jatyr. Bir táýlikte 8-160 sm-ge deıin ózgergen. Babyqburlyq ózeninde, Gýsakovka aýyly mańynda ornalasqan gıdropostta mamandar sýdyń 160 sm-ge deıin kóterilgenin tirkegen.
Vozvyshenka eldi mekeni mańyndaǵy Aqanburlyq ózeninde, Muqyr aýylynyń mańyndaǵy Muqyr ózeninde seń júrip jatyr. Sergeevka qalasynyń mańyndaǵy Esil ózeninde muz joq, sý deńgeıi bir qalypty, artyq sý bógenge jınalýda. Saǵat 16.00-degi jaǵdaı boıynsha Sergeev sý qoımasy tası bastady.
Al Ǵ.Músirepov aýdanyndaǵy Toqsan bı eldi mekeni mańyndaǵy Esil ózeninde muz júrip jatyr. Tús ýaqytynda sý deńgeıi 676 sm jetken. Bul gıdropostta sý deńgeıi 9 sáýirden bastap ǵana kóterilip jatyr. Byltyr bul qubylys 2 sáýirde tirkeldi. Esil ózeninde ornalasqan gıdroposttarda sý deńgeıiniń 5 sm-85 sm-ge deıin ózgergenin kórýge bolady. Úlken Torańǵul kólinde de ózgeris bar. Kóldiń sýy 1 sm kóterilip, 323 sm jetken.
