Medısına • 14 Sáýir, 2021

Ekpeden keıin antıdeneniń bar-joǵyn teksere alady

17 ret kórsetildi

Koronavırýsqa qarsy ekpe alǵan qazaqstandyqtar aǵza­la­rynda post­vaksınalyq antıdenelerdiń bar-joǵyn teksere alady. Mundaı qyzmetti elimizdiń barlyq aýmaǵynda «OLIMP» klınıkalyq-dıagnostıkalyq zerthanalar jelisi usy­nyp otyr.

– Densaýlyq saqtaý mınıstr­li­giniń 2021 jyldyń 12 sáýirdegi aqparatyna sáıkes jappaı vaksınalaý bastalǵannan beri 300 myńnan astam qazaqstandyqtar koronavırýsqa qarsy ekpe alǵan, – dedi «KDL OLIMP» JShS bas dırektory Erlan Súleımenov. – Endi pasıentterdi «ekpe qan­­shalyqty tıimdi boldy?», «vak­­sınadan keıin ımmýnıtet qa­lyp­tas­ty ma?» degen suraqtar mazalaıdy. Bul saýaldarǵa ja­ýap berý úshin biz jańa test engizip otyrmyz. Ol postvaksınalyq antıdenelerdiń bar-joǵyn anyq­taýǵa múmkindik beredi. Test «Ko­ro­navırýstyń S-aqýyzyna qar­sy G ımmýnoglobýlınderin anyq­taıtyn ımmýnofermenttik taldaý» dep atalady.

Ekpe salǵannan keıin aǵza koronavırýstyń S-aqýy­zy­na qarsy antıdeneler qalyp­tas­tyryp, ımmýndyq jaýap bere­di. Jıyntyq antıdenelerdi anyqtaýǵa baǵyttalǵan elektrohemılıýmınessensııa (EHL) ádisimen jasalatyn ádettegi taldaý vaksınanyń tıimdiligin qada­ǵalaýǵa kelmeıdi, sebe­bi ol S-aqýyzyna qarsy antı­de­nelerdi kórsetpeıdi. Jıyn­tyq antıdenelerdi tekseretin taldaý koronavırýspen aýyr­ǵan­darda N-aqýyzyna qarsy antıdenelerdi anyqtaıdy. Son­dyqtan postvaksınalyq antı­de­nelerdi anyqtaýǵa arnal­ǵan bólek jańa taldaýdy engizý qa­jet­tiligi týyndady.

«OLIMP» klınıkalyq-dıag­nostıkalyq zerthanalar jeli­si jańa zertteýdi elimizdiń barlyq aımaǵynda jasaıdy. Postvaksınalyq antıdenelerdi anyqtaıtyn taldaýdy ekpeniń birinshi dozasyn alǵannan keıin 42 kún ótkende, ıaǵnı 6 aptadan soń tapsyrý qajet. Onymen qosa, «OLIMP» zerthanalary koronavırýspen, onyń ishinde sımptomsyz túrimen aýyrǵandar úshin jıyntyq antıdenelerdi tekserý boıynsha zertteý jasaýdy jalǵastyrýda. Bul taldaý da jappaı vaksınalaý bastalǵannan beri asa ózekti bolyp otyr. Sebebi bir mezette barlyq halyqty vaksınalaýǵa múmkindik jetkiliksiz bolǵan­dyq­tan, eń aldymen antıdeneleri joq adamdarǵa ekpe salý qa­jet. Antıdeneleri bar pasıent­ter ázirge qorǵanyshqa ıe, son­dyq­tan olarǵa ekpeni keıi­ni­rek, antı­deneleri azaı­ǵan­da salýǵa bolady. Qolda bar qor­lardy tıimdi paıdalaný ujym­dyq ımmýnıtetti tezi­rek qa­lyp­tas­tyrýǵa septigin tıgizedi.

 

 

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar