Tennıs • 14 Sáýir, 2021

Qazaqstan Madrıdte oınaıdy

10 ret kórsetildi

Tennısten erler arasyndaǵy eń iri halyqaralyq týrnır sanalatyn Devıs kýbogynyń formaty bıyl da ózgerdi. 2019 jyldan bastap atalǵan týrnırdiń fınaldyq saıystary tek bir qalada, ıaǵnı Madrıdte (Ispanııa) ótkizilip kelse, bıyldan bastap úsh qalada ótkiziletin boldy.

Qazaqstan tennıs federasııasynyń málimeti boıynsha, osy jyldan bastap Devıs kýbogynyń toptyq kezeńi bıylǵy 25 qarasha men 5 jeltoqsan kúnderi Madrıd, Týrın (Italııa) jáne Insbrýk (Aýstrııa) qalalarynda ótedi. Qazaqstan quramasy Kanada jáne Shvesııa tennısshilerimen «V» tobynda Madrıdte synǵa túsedi.

Sondaı-aq Pıreneı túbeginde «A» tobynyń ókilderi – Ispanııa, Reseı jáne Ekvador quramalary da baq synaıdy. Oǵan qosa týrnırdiń jartylaı jáne fınaldyq básekeleri de dál osy Ispanııanyń bas shaharynda ótedi. Al Insbrýkta «C» jáne «F», Týrınde «D» jáne «E» toptary synǵa túsedi. Sonymen qatar eki qalada bir-bir shırek fınaldan ótedi.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar