Aımaqtar • 14 Sáýir, 2021

Qyzylordada karantındi buzǵandarǵa 11 mln teńge aıyppul salyndy

25 ret kórsetildi

Qyzylordada karantın talabyn buzý deregi jıi tirkelgen, dep habarlaıdy Egemen.kz

О́ńirde karantındik shekteý sharalary belgilengen. Degenmen atalǵan talap turǵyndar tarapynan tolyqtaı oryndala bermeıdi. Karantın talaptarynyń saqtalýy monıtorıngtik toptardyń turaqty baqylaýynda. Jyl basynan beri 45 monıtorıngtik toptyń reıdtik tekserisi arqyly 1904 nysan qamtyldy. Nátıjesinde 137 karantın talaptaryn buzýshylyq anyqtalǵan. Olarǵa jalpy somasy 11 576 735 teńgege ákimshilik aıyppul salyndy.

Anyqtalǵan quqyq buzýshylyqtardyń basym bóligi Qyzylorda qalasynyń úlesine tıedi, munda osyndaı 45 jaǵdaı bolǵan. Odan keıingi oryndardaǵy Qarmaqshyda - 28, Aralda - 18 karantın talabyn buzý tirkelgen.

«Karantın talaptarynyń kópshilgi halyqqa qyzmet kórsetý oryndarynda bolady. Ásirese, ol qoǵamdyq tamaqtaný oryndarynda tirkelýde. Búgingi kúni 74 karantın talabyn buzýshylyq sol nysandarynyń úlesinde. Atap aıtqanda, keıbir oryndarda personal kelýshilerge jeke qorǵanysh quralynsyz qyzmet kórsetken, karaokeler men kalıandar jumys jasaǵan. Ǵımarattyń tolymdylyǵy 30 paıyzdan aspaýy qajet bolsa da, kelýshilerdiń sanyna shekteý qoıylmaǵan. Qyzmetine tyıym salynsa da kompıýterlik klýbtar jumys jasaǵan. Keı nysandar ózderiniń ashylýyna oraı tegin tamaq taratyp, adamdardyń jappaı jınalyp, karantın talaptarynyń saqtalmaýyna sebepshi bolǵan», dep málim etti oblystyq sanıtarııalyq-epıdemııalyq baqylaý departamentinen.

Qazir óńirde halyq tarapynan ulttyq dástúrdegi toı-jıyndardy tek demalys kúnderi emes, sonymen qatar jumys kúnderi de jıi uıymdastyratyny anyqtaldy. Sondyqtan jumysshy top jumys kúnderi de jeke turǵyn úıler men meıramhanalarǵa, jalǵa beriletin kottedjderge júrgiziletin reıdtik sharalardy kúsheıtip otyr.

 

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar