Elorda • 14 Sáýir, 2021

Elordada segizinshi velomaýsym bastalady

13 ret kórsetildi

15 sáýirde Nur-Sultan qalasynda «Astana Bike» avtomattandyrylǵan velosıped jaldaý júıesi iske qosylady. Sáýir aıynyń sońyna deıin paıdalanýshylarǵa 850 velosıped pen 154 velostansııa qoljetimdi bolady, dep habarlaıdy Egemen.kz «City Transportation Systems» baspasóz qyzmetine silteme jasap.

Aýa-raıynyń qolaıly bolýyna baılanysty qyzmetti 15 sáýirde iske qosý týraly sheshim qabyldandy, bul ótken jylmen salystyrǵanda bir aı buryn.

Aıta ketý kerek, velojabdyqtyń iske qosý-jóndeý jumystarynyń úlken kólemi bir mezgilde barlyq 154 velostansııany iske qosýǵa múmkindik bermeıdi. Sol sebepti bul jumys 3 kezeńde júrgiziledi.

Birinshisinde: Esil aýdany boıynsha 400 velosıped jáne 62 velostansııa iske qosylady. Ekinshisinde: 23 sáýirge deıin Saryarqa, Almaty jáne Baıqońyr aýdandary boıynsha qosymsha 300 velosıped jáne 48 velostansııa bar. Úshinshisinde: 30 sáýirge deıin.

Velostansııalardyń ornalasqan jerin www.velobike.kz saıtynan kórýge bolady. Iske qosylǵan stansııalar kók túspen belgilenedi.

«Qazaqstanda alǵash ret velosherıng júıesi elordamyzda iske qosyldy. 2014 jyly «Astana Bike» velostansııalar jelisiniń ashylý rásimi ótti. Búginde velosıped jaldaý júıesi úlken tanymaldylyqqa ıe. Jyl saıyn paıdalanýshylar sany artyp keledi. Búginde bul 14 myńnan astam adamdy quraıdy. Velosıpedpen júrýdi unatatyndardyń sany odan ári artady dep úmittenemiz. Avtokólik pen qoǵamdyq kólikke balama retinde qala turǵyndaryna ekologııalyq taza kóliktiń osy túrin tańdaýǵa bolady. Aıta keteıik, velosıpedter men abonementterdi satyp alý 15 sáýirden saǵat 9:00-den bastap qoljetimdi», dedi «City Transportation Systems» JShS Basqarma Tóraǵasy Bekmyrza Igenberdınov.

Sonymen qatar maýsym bastalǵanǵa deıin 850 velosıpedke jóndeý jumystary júrgizildi, bul óz kezeginde velosherıngti yńǵaıly paıdalaný úshin jetkilikti. Sondaı-aq velomaýsym kezinde qalǵan 228 velosıpedti qalpyna keltirý jumystary júrgiziledi. Al mamyr aıynyń sońyna deıin 155-velostansııa iske qosylady.

www.velobike.kz saıtynda júıede onlaın-tirkelý rásiminen keıin velosherıng qyzmetin paıdalanýǵa bolady. 16 jastan bastap qoldanýǵa ruqsat. Veloprokat abonementteri www.velobike.kz saıtynda jáne City Transportation Systems kassalarynda qoljetimdi. Velosıpedterdi jalǵa berý júıesi 24/7 rejıminde jumys isteıdi.

Tarıfter ózgerissiz:

Standartty abonementter:

- aılyq abonement - 2 500 teńge;

- toqsandyq abonement - 6 000 teńge;

- maýsymdyq abonement - 10 000 teńge.

Jeńildikti abonementter:

- toqsandyq abonement - 3 000 teńge;

- maýsymdyq abonement - 5 000 teńge.

50% jeńildik rastaıtyn qujattardy usynylǵan jaǵdaıda beriledi jáne tek toqsandyq jáne maýsymdyq abonementterge qoldanylady:

- stýdentter;

- zeınetkerler;

- erekshe qajettilikteri bar adamdar (3-top);

- UOS qatysýshylary men múgedekterine jáne olarǵa teńestirilgen tulǵalarǵa;

- Aýǵan soǵysy ardagerleri;

- kóp balaly analar;

- kóp balaly otbasylar;

- erekshe qajettilikteri bar balalar, onyń ishinde ata-analardyń (zańdy ókilderdiń) bireýine;

- barlyq toptaǵy múgedekter.

Standartty nemese jeńildikti abonementterden basqa paıdalanýshynyń shotynda 500 teńge bolýy tıis. Eger aqsha taýsylsa, velosıped ekranynda «qate» shyǵady.

30 mınýtqa deıin velosıpedti shekteýsiz paıdalanýǵa bolady, bastysy - standartty abonement satyp alý.

30 mınýttan artyq jol júrý quny jalǵa alý ýaqytyna qaraı tólem bóligin esepke ala otyryp esepteledi:

– 0-den 30 mınýtqa deıin - abonement qunyna qosylǵan;

– 31-den 60-qa deıin - 100 teńge;

- 61-den 120-ǵa deıin - 250 teńge;

- 121-den 180-ge deıin - 500 teńge;

- 181-den bastap jáne ár kelesi saǵatqa - 1 000 teńge.

Táýliktik abonementter:

- 1 táýliktik abonement - 3 500 teńge;

- 3 táýliktik abonement - 9 000 teńge;

- 7 táýliktik abonement - 17 500 teńge.

Táýliktik abonementter elorda qonaqtary men sheteldik týrısterge arnalady. Táýliktik abonementterge qol jetkizý úshin www.velobike.kz saıtynda tirkelý qajet, jeke kabınette banktik kartanyń kómegimen abonenttik tólem jasalady. Sondaı-aq depozıttik kepil engiziledi – 37 500 teńge. Depozıt - velosıpedti stansııaǵa qaıtarýdyń kepili. Jaldaý aıaqtalǵannan keıin naqty júrý somasy esepten shyǵarylady jáne balansty shegerýdi eskere otyryp, kepildi onlaın-qaıtarý júzege asyrylady.

Paıdalanýshylar qalalyq velojaldaý boıynsha Nur-Sultan qalasynyń iKOMEK-109 biryńǵaı baılanys ortalyǵy qońyraý shalý arqyly keńes ala alady.

Sońǵy jańalyqtar

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar