ANTIKOR • 14 Sáýir, 2021

Nıderlandy Elshisi Qazaqstannyń jemqorlyqqa qarsy jumysyn joǵary baǵalady

10 ret kórsetildi

Nıderlandy Koroldiginiń Qazaqstan Respýblıkasyndaǵy Tótenshe jáne О́kiletti Elshisi Andre Karstens QR Sybaılas jemqorlyqqa qarsy is-qımyl agenttiginiń «AntikorLive» jobasynyń kezekti qonaǵy boldy, dep habarlaıdy Egemen.kz.

Elshiniń aıtýynsha, búginde Nıderlandy Koroldiginiń Qazaqstandaǵy eń iri ınvestory. Bul rette ınvestısııalardyń basym bóligi Kaspıı teńizindegi jáne onyń aınalasyndaǵy munaı-gaz sektoryna baǵyttalǵan. Alaıda, mártebeli qonaqtyń aıtýynsha, sońǵy ýaqytta aýyl sharýashylyǵy men jasyl ekonomıkaǵa ınvestısııalardyń ósýi baıqalady.

Sondaı-aq, Elshi Qazaqstannyń sybaılas jemqorlyqqa qarsy is-qımyldaǵy jetistikterine toqtaldy. Esterińizge sala keteıik, Transparency International-diń 2020 jyldaǵy Sybaılas jemqorlyqty qabyldaý ındeksinde Qazaqstan 19 pozısııaǵa kóterilip, alǵash ret 38 ball jınady.

A.Karstenstiń aıtýynsha, Qazaqstan alǵa zor qadam jasady jáne Sybaılas jemqorlyqqa qarsy is-qımyl agenttiginiń bul jetistikte mańyzdy ról atqarǵanyna kúmán joq.

Sonymen qatar, ol júrgizilip jatqan jumysty odan ári jaqsartý maqsatynda sybaılas jemqorlyqqa qarsy zańnamany jetildirý jáne azamattyq qoǵammen tyǵyz yntymaqtastyq ornatý qajettigin atap ótti.

Osy turǵyda spıker «Qazaqstandaǵy sybaılas jemqorlyqqa qarsy tıimdi aldyn alý sharalary» jobasyn iske asyrý aıasynda 2018 jyldan bastap Elshiliktiń Sybaılas jemqorlyqqa qarsy qyzmetpen yntymaqtastyǵynyń oń tájirıbesin atap ótti.

Onyń aıtýynsha, osy ýaqyt ishinde biregeı aqparattyq resýrstar – «Saraptama» baǵdarlamalyq jasaqtamasy jáne «Ashyq bıýdjetterdiń ınteraktıvti kartasy» jasaldy.

Elshiniń pikirinshe, mundaı ónimder azamattarǵa memlekettik shyǵyndar týraly aqparat asha otyryp, olardyń ómir súrý sapasyn jaqsartady.

Bul óz kezeginde azamattyq qoǵam men bılik arasyndaǵy dıalogty jáne ózara senimdi nyǵaıta túsedi.

Uqsas jańalyqtar