Nesıege páter alǵandarǵa salyq jeńildigi bar

Salyq kodeksiniń 349-babynda: «Syıaqylar boıynsha salyqtyq shegerimdi Qazaq­stan Respýblıkasynyń rezıdent-jeke tulǵasy óz paıdasy­na jumsalǵan, Qazaqstan Respýb­lıkasynyń turǵyn úı qury­ly­sy jınaq aqshasy týraly zańna­ma­syna sáıkes, Qazaqstan Respýblı­kasynyń aýmaǵynda turǵyn úı jaǵdaılaryn jaq­sartý jónindegi is-sharalardy júrg­izýge turǵyn úı qurylysy jınaq bankterinen alynǵan ıpote­kalyq turǵyn úı qaryz­dary boıynsha syıaqyny tó­leý­ge arnalǵan shyǵystar bo­ıyn­­­sha qoldanady», dep atap kór­­­setilgen. Qarapaıym til­men aıtqanda, osy bankten ne­­sıege úı alǵan adam bank bel­gi­­le­gen syıaqy mólsherinde sa­lyq je­ńildigin ala alady. Ol úshin ne isteý kerek? Qarjy mı­n­ıstr­­ligi­niń Memlekettik kiris­­ter komı­teti basqarma basshy­sy­­nyń orynbasary Aınur Sar­taevanyń aıtýynsha, ıpotekamen baspanaly bolǵan azamat Otbasy bankimen jasaǵan nesıe sharty men qaryz­dy óteý merzimi belgilengen kes­te­niń kóshirmelerin jáne tólem túbir­teg­in alyp, jumys berý­shisine tap­syrýy kerek. «Býh­gal­ter osy qujattardy qarap, ban­­k­tiń qosqan syıaqy mól­she­rin esep­teıdi de, jumysshy­nyń ja­laqy­synan syıaqy mól­­sherin she­ge­rip, ustalatyn salyq­t­y azaı­týǵa tıis. Otbasy banki­nen ıpotekalyq nesıe al­ǵan ju­mys­shydan salyq az us­ta­la­tyn­dyqtan, onyń jalaqy­sy bu­rynǵydan kóbirek túsedi degen sóz», deıdi Aınur Sartaeva.

Otbasy bankindegi ıpotekasyn ótep kele jatqan, biraq bú­ginge deıin salyq jeńildigin alma­ǵan azamattar da óz quqyn paı­­dalana alady. Ol úshin ju­mys berýshige ótinish jazý kerek. A.Sartaevanyń aıtýynsha, óti­nishte nesıeniń ótelgen mer­­zimi men salyq jeńildigi qol­da­­nyl­­maǵan kezeń kórsetilýge tıis. Eskere ketetin jaıt, ótip ket­ken kezeńder úshin tek sońǵy úsh jyl ǵana esepke alynady. Osy óti­nishke saı jumys berýshi esep júr­gizip, jumysshynyń al­ma­ǵan aqshasyn qaıtarýǵa mindetti.

Salyq kodeksindegi bul je­ńil­dikter basqa bankterden ıpo­teka alǵan azamattarǵa da qaras­­tyrylýǵa tıis bolatyn. Biraq ázirshe bul salyq shegerimi keıin­ge qaldy. «Salyq kodeksine en­gizi­lýge tıis bul túzetý jalpyǵa birdeı deklarasııalaýǵa kóshýdiń sońǵy kezeńimen tuspa-tus kelip otyr. Sondyqtan bul aýqymdy jumys aıaqtalǵan soń ıpoteka al­ǵan barlyq azamatqa salyq je­ńil­­digi qarastyrylady dep kú­tilý­de. Bıyl jalpyǵa birdeı dek­­­la­rasııalaýdyń alǵashqy keze­ńi júrip jatyr, sońǵy tór­tinshi kezeń 2025 jylǵa jos­par­lanǵan. Sondyqtan jeke tul­ǵa­nyń Otbasy bankinen bas­qa, ekinshi deńgeıli bankter­den al­ǵan nesıesi boıynsha salyq she­gerimderin, ıaǵnı jeńil­dik­te­rin qoldaný 2025 jyldyń 1 qań­taryna aýystyryldy», deıdi A.Sartaeva.