Pikir • 15 Sáýir, 2021

Memlekettik tildi qurmetteý – ortaq mindetimiz

28 ret kórsetildi

Men árdaıym qoǵamymyzdyń árbir múshesin memlekettik tilimizge degen qurmetin arttyra túsýge, onyń qoldanys aıasyn keńeıtýge barynsha úles qosýǵa shaqyrǵym kelip turady.

Til – halyqtyń basty qundy­lyqtarynyń biregeıi. Ony qur­metteý – qoǵamǵa ortaq mindet. Qazaqstannyń memlekettik tili – qazaq tili – zańmen bekitilgen qundylyq. Elimizdegi barlyq etnos ókilderi memlekettik tildi syılaýǵa mindetti. Qazaq tiliniń mártebesin kóterý maqsatynda ár jyldary túrli jobalar uıym­dastyrylyp keledi. Memleket bıligi de bul máselege zor kóńil bólip otyr. Qazaqstandy mekendegen koreı etnosynyń ókilderi de memlekettik tilimizge asa qur­metpen qaraıdy. Bári túgel erkin meńgeredi demesek te, kóptegen azamattarymyz qazaq tilinde jetik sóıleıdi. Bul, eń aldymen, ózi ómir súrip otyrǵan ortany qurmetteý bolsa, ekinshi jaǵynan Qazaqstan azamaty retindegi jaýapty mindet.

Qazaqstan zaıyrly memleket retinde árbir azamattyń quqy men tańdaýyna qol suqpaıdy. Qan­sha til bilseń de shekteý joq. Alaıda, árbir adam memleket al­dyndaǵy jaýapkershilikti jiti sezinip, memlekettiń zańyn, tilin, ulttyq erekshelikterin qur­met­tegeni abzal. Bulaı bolǵan jaǵ­daı­da etnosaralyq tatýlyq pen qo­ǵamdyq kelisim saltanat quryp, etnostar ózara rýhanı baıla­nys ornatady, birin-biri jaqsy túsinedi.

Memlekettik til mərtebesi ərbir Qazaqstan azamaty úshin qymbat bolýǵa tıis. Qazaq halqy kóptegen ulttardy qıyn-qystaý kezeńde baýyryna basyp, óz tórinen oryn bergeni tarıhtan belgili. Ulty, tili, dini, salt-dəstúri basqa dep ózekke teppeı, bir atanyń ul-qyzyndaı kórdi. Təýelsizdik alǵannan beri bul jaqsy dəstúr órken jaıyp, Qazaqstanda tynystap, tirshilik etetin etnostardyń tatýlyǵy men beıbit ómir súrýi sonyń jemisi dep aıtýǵa bolady.

Qazaqstan halqy Assamb­leıasynda ózara túsinistik pen rýhanı dástúrler toǵysyn ar­qaý etken aýqymdy jobalar kóp. Munyń ishinde memlekettik tildiń mereıin ósirip, abyroıyn asqaqtatýǵa baǵyttalǵan shara­lar da az emes. Máselen, kóptegen etnos óziniń jastaryna qazaq tilin úıretetin úıirmeler ashý arqyly til bedelin nyǵaıtýǵa úles qosyp keledi. Til mártebesin aıqyndaýǵa arnalǵan túrli forýmdarda etnostardyń qazaq tilin jetik meńgergen ókilderi sóz alyp, óz oılaryn júıeli jetkizip júr. Osy qoǵamnyń bir múshesi retinde men barsha otandastarymdy memlekettik tildiń mártebesin kóterýge, ony qur­metteýge shaqyramyn. Bul – eń aldymen ózimizge, elimizge degen qurmet.

Memlekettik tilimizdi qoldaý, ol bir maqsatqa jumylǵan hal­qymyzdyń bir-birine degen yqy­lasyn, dostyǵyn nyǵaıtady. Yn­tymaǵymyz berik bolý úshin memlekettik til syndy ortaq qun­dylyqtarymyzǵa syı-qur­metpen qaraǵanymyz jón. Sonda táýelsiz memleketimizdiń bolashaǵy da jarqyn bola túsedi.

 

Sergeı OGAI,

«Qazaqstan Koreıler qaýymdastyǵy» zańdy tulǵalar birlestiginiń tóraǵasy

 

ALMATY

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar