Oqıǵa • 15 Sáýir, 2021

Elorda mańyndaǵy aýmaqtardy áýeden baqylady

5 ret kórsetildi

Premer-Mınıstrdiń orynbasary Roman Sklıar, Tótenshe jaǵdaılar mınıstri Iýrıı Ilın, Ekologııa, geologııa jáne tabıǵı resýrstar vıse-mınıstri Serik Qojanııazov pen Aqmola oblysynyń ákimi Ermek Marjyqpaev elordanyń shekara mańyndaǵy aýmaqtarynda sý tasqyny jaǵdaıyna monıtorıng júrgizý maqsatynda áýeden baqylaý jasady.

Ushý barysynda 42-razezd, Qajymuqan, Qoıandy, Talapker, Qaraótkel, Jibek joly, Qosshy, Taıtóbe, Qyzyljar eldi mekenderiniń aýmaqtaryna aerovızýaldy barlaý júrgizildi. Astana sý qoımasy men Nura ózeni arnasynyń boıyndaǵy Preobrajensk sý torabynyń jaǵdaıy tekserildi. Baqylaý kezinde qardyń erý prosesi turaqty júrip jatqany baıqaldy. Sý shaıǵan aımaqtar joq. Táýlik boıy jerden jáne Jer serigi arqyly qashyqtan zondtaý monıtorıngin júrgizý jalǵasýda. Aqmola, Qaraǵandy, Qostanaı, Shyǵys Qazaqstan jáne Soltústik Qazaqstan oblystarynyń keıbir ózen aýmaqtarynda seń júrý úderisi bastaldy. Qaýiptiń aldyn alý úshin Aqmola, Shyǵys Qazaqstan, Qaraǵandy, Qostanaı jáne Soltústik Qazaqstan oblystarynyń ózenderi men kólderinde muz jarý jumystary júrgizilýde. Sondaı-aq Aqmola, Shyǵys Qazaqstan, Qostanaı jáne Soltústik Qazaqstan oblystarynyń sý qoımalarynda sý jınaýǵa qajetti oryndar ázirlenýde.

 

 

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar