Ortalyqtardyń qyzmeti jergilikti qoǵamdastyqty damytý modelin qurýǵa baǵyttalady. Olardyń bazasynda jergilikti jerlerdegi sarapshylar (oflaın jáne onlaın) jergilikti ózin ózi basqarý (JО́B) boıynsha konsýltasııalar beredi. Iаǵnı jergilikti halyqtyń sheshim qabyldaý prosesine qatysý máseleleri boıynsha keńes alý múmkindigi bolady: jınalystardy, jergilikti qoǵamdastyq jıyndaryn uıymdastyrý, jergilikti qoǵamdastyq músheligine kirý, JО́B boıynsha NQA túsindirý jáne basqa da máseleler.
Ortalyqtar Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Jergilikti ózin ózi basqarýdy damytýǵa baǵyttalǵan is-sharalar keshenin uıymdastyrý» granttyq jobasy sheńberinde «Mańǵystaý oblysynyń Azamattyq alıansy» ZTB kúshimen iske qosylady.
Aıta ketý kerek, bul joba Qazaqstannyń 8 oblysynda (Atyraý, Aqtóbe, Jambyl, Shyǵys Qazaqstan, Aqmola, Pavlodar, Qaraǵandy jáne Qostanaı oblystary) júzege asyrylady. Joba barysynda uıymdastyrýshylar jergilikti mańyzdy máselelerdi sheshý úshin jalpy quny 8 mln teńgeni quraıtyn (ár óńirge 1 mln teńge) shaǵyn granttar konkýrsyn ótkizedi.
Sondaı-aq jobany iske asyrý sheńberinde halyqtyń sıfrly saýattylyǵyn arttyrýǵa baǵyttalǵan bir kúndik 16 oqytý semınary 8 óńirde uıymdastyrylady. Bul semınarlardy turǵyndar úshin qarjylyq saýattylyq jáne azamattardyń jergilikti bıýdjetterdi basqarý prosesine qatysý múmkindigi boıynsha taqyryptyq qoldanbaly kýrstar sıkli men áleýmettik jobalaý jáne bastamashylyq bıýdjetteý máseleleri boıynsha jergilikti atqarýshy organdardyń qyzmetkerlerin oqytý kýrstarynan ótkizý úshin josparlanýda.
