Rýhanııat • 15 Sáýir, 2021

Jaqaevtyń taqııasy

115 ret kórsetildi

Elordadaǵy Ulttyq mý­zeı­diń qorynda dańqty kú­rishshi, eki márte Sosıa­lıstik Eńbek Eri, KSRO Mem­lekettik syılyǵynyń laýreaty Yby­raı Jaqaev­tyń ózi kıgen qazaqy taqııasy saqtalǵan.

Atamyzdyń taqııasyn murajaıǵa, 2015 jyly Qy­zylorda qalasynda ótken Ulttyq mýzeıge syı tartý is-sharasy aıasynda balasy Seıitbek tapsyrǵan. So­nymen birge ol kisi áke­si­niń qolynyń taby qalǵan ket­peniniń basy men oraǵyn da ótkizipti.

Búginde eren eńbegimen elge úlgi bolǵan tulǵanyń ómir­degi ónegeli jolyn aǵa býyn ókilderi jaqsy bil­genimen keıingi jastar onsha bilmeıdi. Oǵan endi túrli sebep te bar. Sonda da dańqy kúrish ósirýmen jalpaq jurtqa jaıylǵan Ybyraı atamyzdyń jóni bólek. Ol kisi 1944 jyly kúrishtiń ár gektarynan 110 sentner, 1945 jyly 156 sentner kúrish alsa, al 1947 jyly ózi­ne bekitilip berilgen tá­ji­rıbe ýchaskesiniń ár gek­tarynan 172 sentnerden ónim alyp, álemdik rekord jasady. 1949 jyly osy eńbegi joǵary baǵalanyp, Sosıalıstik Eńbek Eri ataǵyn aldy. Sondaı-aq eńbek maıtalmany soǵys kezinde Otan qorǵaý qoryna arnap tank kolonnasyn jasaýǵa 150 myń som qarjy berdi.

Ybyraı Jaqaev res­pýblıkada alǵash bolyp kú­rish egisin jońyshqa atyzyna ornalastyrǵan. Onyń ashqan jańalyǵy óndiriske engizilip, ol ádis «Jaqaev agrotehnıkasy» dep ataldy. 1971 jyly ata­myz keýdesine ekinshi Al­tyn Jul­dyzyn taqty. Mundaı jo­ǵary dárejeli ataqty qa­tarynan eki ret alǵandar elimizde sırek. Sol mara­patty tapsyrar kez­de qarııa: «Bir ret aldym ǵoı, ekinshi ret ne keregi bar edi, onan da anaý kúrish egip júrgenderge bermedińder me?!» dep basshylarǵa aıtypty degen sóz bar. Jalpy ol kisi ómirde óte qarapaıym, ımandy adam bolǵan deıdi. Eger de Ulttyq mýzeıge jo­lyńyz túsip jatsa, Ybyraı atamyzdyń taqııasyn kórýge bolady...

 

Azamat ESENJOL,

«Egemen Qazaqstan»

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar