Boks • 15 Sáýir, 2021

Jarysty jeńispen bastady

7 ret kórsetildi

Bul kúnderi Polshanyń Kelse qala­synda bokstan jastar arasyndaǵy álem chempıonaty ótip jatyr. Jarys­tyń alǵashqy kúninde sharshy alańǵa shyqqan jerlesimiz Erbolat Sabyr birinshilikti sátti bastady.

56 kıloǵa deıingi salmaqta judyryq­tasatyn qandasymyz alǵashqy aınalymda majarstandyq boksshy Gergo Jarazben qolǵap túıistirip, 5:0 (30:25, 30:25, 30:24, 30:27, 30:25) esebimen jeńiske jetti. Bir aıta keterligi, E.Sabyr qarsylasyn birinshi jáne úshinshi raýndtarda nokdaýnǵa jiberdi. Endi jerlesimiz 1/8 fınalda latvııalyq boks­shy Matveı Prokýdınmen sharshy alańǵa shyǵady.

Aıta keteıik, Polshadaǵy bokstan jas­tar arasyndaǵy álem chempıonatynda Qazaqstan quramasynan 20 boksshy (10 er, 10 qyz) óner kórsetýde. Jahan birinshiligi 23 sáýirde óz máresine jetedi.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar