Fýtbol • 15 Sáýir, 2021

PSJ ese qaıtardy

8 ret kórsetildi

Keshe fýtboldan Chempıondar lıgasy­nyń shırek fınal matchtarynyń jaýapty kezdesýleri ótip, jartylaı fı­nalǵa joldama alǵan alǵashqy eki ujym belgili boldy.

Barsha jankúıer kóz tikken Parıjdegi match «Bavarııanyń» (1:0)  jeńisimen aıaqtalsa da, týrnırdiń byltyrǵy jeńimpazdary jarys jolynan shyǵyp qaldy. Eki oıyn qo­rytyndysy boıynsha jalpy esep teńes­kenimen (3:3), bir apta buryn Germanııada ótken básekede PSJ qonaqta soqqan úsh golynyń arqasynda jartylaı fınalǵa joldama aldy. Osylaısha Parıj komandasy «Bavarııadan» byltyrǵy jeńilisiniń esesin qaıtardy. Chempıondar lıgasynyń ótken jylǵy fınalynda PSJ 1:0 esebimen je­ńilip, qos qulaqty kýboktan qur qalǵan edi.

Qatar ótken «Portý» men «Chelsı» ara­syn­daǵy kezdesýde de jeńiske jetken komanda jartylaı fınalǵa shyǵa almady. Teń dárejede ótken oıynnyń sońǵy mınýtynda «Portý» gol soǵyp, qarsylasynan basym túskenimen eki oıynnyń qorytyndysy boıynsha (2:1) báribir «Chelsıge» jol berdi.

 

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar