Byltyr ǵana jastar quramasynan eresekter sapyna aýysyp, sol jylǵy el chempıonatynda 63 kılo salmaqta top jarǵan 19 jastaǵy S.Ásetuly qurlyq birinshiliginde de qarsylas shydatqan joq. Irikteý kezeńderinde taıpeılik Chjý Chı Hýan men sırııalyq Muhammed Fýazdy esh qıyndyqsyz jeńgen jerlesimiz fınalda byltyrǵy Azııa chempıonatynyń qola júldegeri ırandyq Meısam Dalhanıge tap keldi.
Tájirıbeli balýan Dalhanı á degennen-aq úsh upaı oljalap, esepte alǵa shyqqanymen, Ásetuly artynsha tik turyp ádis jasap, tarazy basyn ózine aýdardy – 4:3. Ekinshi kezeńniń bel ortasyna kelgende qandasymyz qarsylasynyń jaýyrynyn jer ıisketip, merziminen buryn jeńiske jetti. Bul – Sultan Ásetulynyń eresekter arasyndaǵy halyqaralyq deńgeıdegi alǵashqy altyn medali. Buǵan deıin ol naýryz aıynda Italııada ótken reıtıngtik týrnırde fınalǵa deıin jetip, kúmis júlde enshilegen bolatyn.
