Aımaqtar • 15 Sáýir, 2021

Atyraýlyq polıseı páterge balkon arqyly kirip, 7 jastaǵy qyzdy qutqardy

12 ret kórsetildi

13 sáýirden 14-ne qaraǵan túni qalalyq polısııa bóliminiń 102 operatoryna túngi ýaqytta belgisiz azamatsha qyzynyń úıde kilttenip, qalyp qoıǵany týraly habarlaǵan, dep habarlaıdy Egemen.kz Polisia.kz saıtyna silteme jasap.

Belgili bolǵandaı úı ıesi azyq-túlik alýǵa shyǵyp ketip, keri kire almaı qalǵan. Úıinde qalyp qoıǵan jeti jastaǵy qyzymen baılanysa almaǵan. Dál sol ýaqytta azamatsha gazǵa tamaq pisirip, ony qosýly qaldyrǵan.

– Eshqandaı amalym bolmaǵan soń aldymen Tótenshe jaǵdaı qyzmetkerlerine habarlastym, biraq olar maǵan túngi ýaqytta balkon arqyly kire almaıtynyn, ol úshin qosymsha quraldarynyń joq ekendikterin jetkizdi. Al meniń úıimniń esigin buzý múmkin emes edi. Sol sátte polısııa qyzmetkeri kelip oılanbastan, eshqandaı qorǵaý quraldarynsyz tórtinshi qabattan úshinshi qabatqa túsip, dereý áreketke kóshti. Polısııa qyzmetkeri bolmasa ne bolaryn bilmeımin. Qyraǵy ári jedel qyzmeti úshin Atyraý qalalyq Polısııa bólimi kámeletke tolmaǵandar isteri jónindegi ýchaskelik polısııa ınspektory Álibek Qaıyrǵalıevke otbasymnyń atynan alǵys bildiremin, – dedi qutqarylǵan jasóspirimniń anasy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar