Prezıdent • 15 Sáýir, 2021

Prezıdent elimizdiń áleýmettik-ekonomıkalyq damý máseleleri jóninde keńes ótkizdi

28 ret kórsetildi

Memleket basshysy elimizdiń áleýmettik-ekonomıkalyq damý máseleleri jóninde keńes ótkizdi, dep habarlaıdy Egemen.kz Aqordanyń baspasóz qyzmetine silteme jasap.

Prezıdent Qasym-Jomart Toqaevtyń tóraǵalyǵymen ótken jıynda el damýynyń jańartylǵan boljamy jáne respýblıkalyq bıýdjetti naqtylaý jónindegi usynystar talqylandy. Otyrysqa Premer-Mınıstr Asqar Mamın, Prezıdent Ákimshiliginiń Basshysy Erlan Qoshanov, Ulttyq bank tóraǵasy Erbolat Dosaev jáne basqalar qatysty.

Otyrys barysynda Úkimet áleýmettik-ekonomıkalyq damýǵa qatysty boljamdaryn jáne álemdik ekonomıkadaǵy ahýaldy, taýar naryǵyndaǵy úrdisterdi eskere otyryp, osy jylǵa arnalǵan respýblıkalyq bıýdjetti naqtylaý jónindegi usynystaryn, sondaı-aq, bıylǵy I toqsannyń aldyn ala qorytyndylaryn usyndy. Atap aıtqanda, bıyl ishki jalpy ónimniń naqty ósimi bekitilgen kórsetkishten 0,3 paıyzǵa artyp, 3,1% deńgeıde bolady dep boljanýda. Inflıasııa deńgeıi 4-6% aralyǵynda saqtalyp otyr.

1

Bıýdjetti naqtylaýdyń negizgi mindeti – Memleket basshysynyń Joldaýynda aıtylǵan tapsyrmalardy oryndaý jáne «Nur Otan» partııasynyń saılaýaldy platformasyn júzege asyrý. Osyǵan baılanysty bıýdjettiń kirisinde de, shyǵysynda da ósim bolady dep kútilýde. 

Avtomobıl joldaryn damytýǵa, «Aýyl – el besigi» jobasyn odan ári iske asyrýǵa, ekonomıkanyń neǵurlym zardap shekken salalaryndaǵy kásipkerlik sýbektilerin qoldaýǵa, «Jumyspen qamtýdyń jol kartasyn» júzege asyrýǵa jáne agroónerkásiptik keshendi damytýǵa qosymsha qarajat bólinetin bolady.

Pandemııamen kúreske bólinetin qosymsha qarjy dárigerlerge ústemeaqy jáne medısınalyq qyzmetterdiń aqysyn tóleýge jumsalady. Sonymen qatar áskerı qyzmetshilerdi turǵyn úımen qamtamasyz etýge, sý tasqynyna qarsy is-sharalarǵa, sýmen qamtamasyz etý jáne sý tartý júıeleriniń qurylysy men olardy jańǵyrtýǵa qarjy bólý josparlanǵan.

Jıyn qorytyndysy boıynsha Prezıdent Qasym-Jomart Toqaev bıýdjet shyǵyndaryn ońtaılandyryp, kirisin arttyrý, memlekettik satyp alý júıesin jetildirý, ınfraqurylym men sıfrlandyrýdy damytý, sondaı-aq, Jekeshelendirýdiń keshendi jospary aıasynda memlekettiń ekonomıkadaǵy úlesin azaıtý jumystaryn jandandyrý jóninde tapsyrma berdi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar