Sport • 15 Sáýir, 2021

Elmıra Syzdyqova Azııa chempıony atandy

100 ret kórsetildi

Almatydaǵy Balýan Sholaq atyndaǵy sport saraıynda áıelder kúresinen ótip jatqan Azııa chempıonatynyń alǵashqy kúni Qazaqstan quramasy úsh júldege ıelik etti, dep habarlaıdy Egemen.kz

Buǵan deıin biz 50 kılo salmaqtaǵy Valentına Islamovanyń altynnan alqa taǵynǵany jaıynda jazǵan edik. Dál sondaı múmkindik Elmıra Syzdyqova da boldy. 76 kılo salmaqta saıysqa túsken qazaq balýany tusaýkeser kezdesýinde qyrǵyzstandyq Aıperi Medetqyzynan jeńilgen edi. Odan keıin qazaq qyzy eki básekede aıqyn basymdyq tanytty. Osylaısha, syralǵy qarsylastar fınalda qaıta jolyqty. Bul joly Elmıra Aıperini alyp uryp, taza jeńiske qol jetkizdi.

Alǵashqy aınalymda 55 kılo salmaqtaǵy Aısha Ýálıhan koreıalyq Kım Hıýndy qapy qaldyryp, ekinshi kezdesýde mońǵolııalyq Dýlgýn Muńhbold Bolormaǵa ese jiberdi. Úshinshi kezeńde ózbekstandyq Madına Osmonjanovaǵa Aıshanyń áli jetpedi. Desek te bir jeńistiń ózi jerlesimizge qola medaldi ıelený úshin jetkilikti boldy.

Al 59 kılo salmaqtaǵy Dıana Qaıýmova pen 68 kılo salmaqtaǵy Anastasııa Panassovıch qatarynan eki kezdesýde sátsizdikke ushyrap, jarysty merziminen buryn aıaqtady.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar