Fýtbol • 16 Sáýir, 2021

Tórt klýb top bastap tur

39 ret kórsetildi

Bıyl 30-shy márte uıymdastyrylyp jatqan fýtboldan Qazaqstan chempıonatynyń 5-týr oıyndary óz máresine jetti. Eki kúnge sozylǵan dop dodasynyń kezekti týr match­tarynan keıin týrnır kestesinde bir emes, tórt komanda kósh bastady.

Týrdyń shymyldyq ashar kezdesýi el chempıonatynda je­ńilistiń ne ekenin bilmeı kele jatqan «Qyzyljar» men bıyl qaıtadan joǵary lıgaǵa oralǵan «Aqtóbe» klýbtary arasynda ótti. Petropavldaǵy «Qarasaı» stadıonynda uıymdastyrylǵan matchta alań qojaıyndary qor­jynda turǵan úsh upaıynan aıy­rylyp qaldy. «Qyzyljar» oıynshylary kezdesýdiń 90-mınýtyna deıin 1:0 nátıjesimen alda turǵan. Alaıda tóreshi qosqan qosymsha 4 mınýttyń ishinde qaqpalaryna eki gol ót­kizip alyp, chempıonattaǵy al­ǵashqy jeńilisine ushyrady. «Aqtóbe» sapynan 90-mınýtta qosalqy quramnan alańǵa shyq­qan Dıdar Jalmuqan tarazy basyn teńestirse, 94-mınýtta Rıfat Nurmuǵamet óz komandasyna jeńis syılady. Bir qyzyǵy, Rıfat sońǵy úsh match boıy alańǵa qosalqy quramnan shyǵyp gol soǵyp keledi. «Aqtóbe» ótken týrda «Ordabasymen» bolǵan matchta sońǵy mınýtta teń esepke qol jetkizse, bul joly esepti teńestirip qana qoımaı, tamasha kambek jasady.

Alǵashqy týrda ǵana jeńiske jetip, keıingi oıyndarda qar­sy­lastaryna upaı «syılap» kele jatqan Qaraǵandynyń «Shah­teri» bul joly da jeńilis tapty. «Astana Arena» stadıonynda Oraldyń «Aqjaıyq» klý­bymen kezdesken «kenshiler» ujymy 2:1 esebimen jeńilip qal­dy. 4-týrda «Tarazdan» 4:0 esebimen jeńilgennen keıin «Shah­terdiń» bas bapkeri Álı Álıev qyzmetinen ketken soń, ko­manda tizginin ýaqytsha An­dreı Fınonchenko ustaǵan-dy. О́kinishke qaraı, klýbtyń ańyz oıynshysy bolǵan Fınonchenko da jankúıerlerin jeńispen qýan­ta almady.

5-týrdyń ortalyq ári eń nátı­jeli matchy Shymkenttegi Qa­jymuqan Muńaıtpasov atyn­daǵy stadıonda ótti. Jergilikti «Or­dabasy» óz alańynda elor­danyń «Astana» klýbyn qabyldap, 1:4 esebimen jeńilip qaldy. Oı­ynnyń alǵashqy taımynda eki komanda da bir-bir gol soǵyp, úziliske teń nátıjemen tarqasqan edi. Birinshi taımda alań ıelerinen Erkebulan Tuńǵyshbaev kózge tússe, qonaqtar sapynan Abat Aıymbetov mergendik tanytty.

Ekinshi taımda qonaqtardyń qarqyny kúshti boldy. 52-mınýtta Tıgran Barsegıan penaltıdi sátti oryndap, komandasyn alǵa shyǵarsa, 60-mınýtta Abat Aıymbetov dýbldiń avtory atandy. Matchtyń núktesin 78-mınýtta Marın Tomasov qoıdy. Osylaısha, «Ordabasy» klýby da chempıonatta alǵash ret jeńilip, týrnır kestesindegi nátıjesin nasharlatyp aldy.

Týrdyń taǵy bir tartysty oıyny «Kaspıı» men byltyrǵy el chempıony Almatynyń «Qaı­­raty» arasynda boldy. Aq­taý­daǵy «Jas Qyran» sta­dıonyndaǵy matchta qonaqtar 10 oıynshymen qalsa da, teń ná­tıjege (1:1) qol jetkizdi. Kez­­­desýdiń esebin 32-mınýtta «Kas­pıı» klýbynyń jarty­laı qorǵaýshysy Rýslan Mıngazov ashty. Al 37-mınýtta ekinshi sary qaǵazyn alǵan Aıbol Ábi­ken alańnan qýylyp, komandasyn qıyn jaǵdaıǵa qaldyryp ketti. Degenmen araǵa tórt mınýt salyp, «Qaırattyń» qor­ǵaýshysy Denıs Polıakov tarazy basyn teńestirdi. 1:1 esebi oıyn sońyna deıin ózgergen joq. Alǵashqy bes týrda «Qaı­rat» osymen ekin­shi márte qar­sylasymen upaı bólisýge máj­búr boldy.

Mamandar tarapynan bıylǵy chempıonattyń bas júldesinen negizgi úmitker dep baǵalanǵan Qostanaıdyń «Tobyly» bul týrda Qyzylordanyń «Qaısaryn» qabyldady. «Tobyl Arenada» ótken kezdesýde alań ıeleri oıynnyń ekinshi mınýtynda Tonı Sılvanyń soqqan go­lynyń nátıjesinde 1:0 esebimen basym túsip, qajetti úsh upaıy­na qol jetkizdi. «Tobyl» oıynshylarynda «Qaısardy» iri eseppen jeńetindeı múmkindikter bolǵan edi. Alaıda 74-mınýtta Qyzylorda komandasynyń qorǵaýshysy Klarens Bıtang alańnan qýylyp, «Qaısar» 10 fýtbolshymen qalsa da qorǵanysta saýatty óner kórsetti.

Bıyl joǵary lı­gaǵa oralǵan Aty­raýdyń «Atyraý» klýby besinshi týrda alǵashqy upaıyna qol jetkizdi. «Mu­naı­shy» stadıonynda Tal­dy­qorǵannyń «Jetisý» klýbymen ótken oıynda alań ıeleri 10 oıynshymen 2:0 esebimen jeńilip jatyp, match sońyndaǵy jigerli oıynynyń arqasynda tarazy basyn teńestirip ketti – 2:2.

Týrdyń sońǵy matchynda chempıonattyń debıýtanty «Tu­­ran» «Túrkistan Arenada» birin­shilikte táp-táýir oıyn kórsetip júrgen Tarazdyń «Taraz» komandasyn qabyldady. Teń dárejede ótken kezdesýde qonaq komanda 1:0 esebimen jeńiske jetti. Oıyndaǵy jalǵyz ári jeńisti goldy «Taraz» sapynan matchtyń 79-mınýtynda Pedro Eýjenıo saldy.

18-19 sáýirde ótetin 6-týrda (jeksenbi kúni) «Taraz» – «Aq­jaıyq», «Astana» – «Qyzyljar», «Qaısar» – «Atyraý» klýbtary kezdesse, dúısenbi kúni «Aq­tóbe» – «Shahter», «Qaırat» – «Tobyl», «Turan» – «Kaspıı» jáne «Jetisý» – «Ordabasy» ko­mandalary oınaıdy.

Týrnır kestesi

Klýb

O

J

T

U

Dop

aıyrmasy

Upaı

1

«Astana»

5

3

2

0

15-6

11

2

«Qaırat»

5

3

2

0

13-4

11

3

«Taraz»

5

3

2

0

10-4

11

4

«Tobyl»

5

3

2

0

7-2

11

5

«Aqtóbe»

5

2

3

0

11-8

9

6

«Qyzyljar»

4

2

1

1

4-2

7

7

«Ordabasy»

4

2

1

1

9-9

7

8

«Aqjaıyq»

5

2

0

3

4-6

6

9

«Kaspıı»

5

1

2

2

5-6

5

10

«Qaısar»

5

1

1

3

5-9

4

11

«Turan»

5

0

2

3

4-12

2

12

«Jetisý»

5

1

1

3

5-8

1

13

«Atyraý»

5

0

1

4

5-13

1

14

«Shahter»

5

1

0

4

2-10

0

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar