Ispanııanyń «Realy» shırek fınaldyń qarymta kezdesýin Anglııada ótkizip, alań qojaıyndary – «Lıverpýlmen» teń (0:0) oınady. Osylaısha Madrıdtegi senimdi jeńisiniń (3:1) nátıjesinde «Real» 14-ret jartylaı fınalǵa shyqty. Germanııadaǵy «Borýssııa D» men «Manchester Sıtı» arasyndaǵy matchta aǵylshyn klýby 2:1 esebimen jeńiske jetti. Esterińizde bolsa, «Manchester Sıtı» óz alańyndaǵy alǵashqy oıynda da dál sondaı eseppen basym túsken edi. Bir aıta keterligi, «Sıtı» týrnır tarıhynda nebári ekinshi márte jartylaı fınalǵa shyǵyp otyr.
Endi jartylaı fınalda «Real» men «Chelsı», «Manchester Sıtı» men PSJ klýbtary fınal joldamasyn sarapqa salady. Alǵashqy oıyndar 27 sáýirge, qarymta kezdesýler 4 mamyrǵa josparlanǵan.
