2021 jylǵy 30 naýryzda Ekologııa, geologııa jáne tabıǵı resýrstar, Ishki ister mınıstrlikteri men Ulttyq qaýipsizdik komıteti arasynda bekire jáne basqa da balyq túrlerin saqtaý, sondaı-aq olardyń ýyldyryq shashýy úshin qolaıly jaǵdaılardy qamtamasyz etý maqsatynda «Oral-Kaspıı basseıniniń sý aıdyndarynda «Bekire-2021» keń aýqymdy balyq qorǵaý aksııasyn ótkizý týraly» birlesken buıryqqa qol qoıyldy.
Aksııa bastalǵannan beri Jaıyq-Kaspıı oblysaralyq basseındik balyq sharýashylyǵy ınspeksııasynyń ınspektorlary quqyq qorǵaý, tabıǵat qorǵaý organdarynyń jáne QR UQK Shekara qyzmetiniń qyzmetkerlerimen birlesip, tabıǵat qorǵaý zańnamasyn buzýdyń 360 deregin anyqtap, jolyn kesti, sonyń nátıjesinde 210 adam ákimshilik jaýapkershilikke tartyldy.
Sonymen qatar 33 materıal sot organdaryna joldandy, brakonerlik jáne sırek kezdesetin jáne quryp ketý qaýpi tóngen balyq túrlerimen zańsyz aınalysý faktileri boıynsha 20 qylmystyq is qozǵaldy. Tártip buzýshylarǵa 3,4 mln teńge aıyppul salyndy.
Zańsyz aınalymnan 14,6 tonna balyq alyndy, onyń ishinde 551,5 kg bekire tuqymdas balyq túrleri, 152 birlik aýlaý quraldary, 11 birlik avtomobıl jáne 28 birlik sý kóligi.
О́zen arnasy men teńiz akvatorııasyn kúndelikti tekserý nátıjesinde sý qoımalarynan jalpy uzyndyǵy 40 km-ge jýyq 438 birlik zańsyz balyq aýlaý quraldary alyndy.
Aksııa 2021 jyldyń 31 mamyryna deıin jalǵasady.
