Aımaqtar • 17 Sáýir, 2021

Qostanaıda qurastyrylatyn avtokólikterge suranys artyp keledi

38 ret kórsetildi

Qazaqstan avtobıznes qaýymdastyǵynyń málimetinshe,   2021 jyldyń birinshi toqsanynda el aýmaǵynda jalpy quny 140,4 mıllıard teńgeden asatyn 19 myń 848 tehnıka shyǵarylǵan. Munyń 66%-y Qostanaı qalasyndaǵy «SaryarqaAvtoProm» zaýytyna tıesili, dep habarlaıdy Egemen.kz.

О́tken úsh aıdyń qorytyndysy boıynsha Qostanaı avtomobıl zaýyty 13 myń 63 tehnıka shyǵarǵan. Bul ótken jyldyń alǵashqy toqsanymen salystyrǵanda 34,7% -ǵa artyq.

Zaýyt basshylyǵy mundaı ósimdi Qostanaıda qurastyrylatyn «Chevrolet» avtomobılderiniń sońǵy ýaqytta joǵary suranysqa ıe bolýymen baılanystyrady. Atalmysh jeńil kólik túri qazir Qazaqstan naryǵynda eń joǵary suranysqa ıe bolyp tur. Qostanaı mashına jasaý zaýyty birinshi toqsannyń ózinde 10 myń 153  «Chevrolet» shyǵarǵanyn málimdedi.

 - Biz jyl ótken saıyn avtomobıl óndirisiniń kólemin ulǵaıtýmen qatar, ónimniń jergilikti úlesin arttyra otyryp, qazirgi halyqaralyq talapqa saı zamanaýı ári sapaly kólikter shyǵarýǵa qadam bastyq. Bul baǵytta biz ishki naryqty qamtamasyz etýmen qatar, eksport máselesin de qolǵa alyp otyrmyz. Máselen, jyl basynan beri 2000-ǵa jýyq qostanaılyq kólik shetelge satyldy, - dedi «SaryarqaAvtoProm» JShS dırektory Syrym Semeıbaev.

Byltyr Qostanaı avtomobıl zaýyty óndiris kólemin ulǵaıtý jóninen rekordtyq kórsetkishke qol jetkizip, 40 myń 50 tehnıka shyǵardy. Bul -  Qazaqstanda jasalǵan barlyq tehnıkanyń 51,7% paıyzy. Zaýyt basshylshyǵy   Jac, Chevrolet, UAZ jáne MAN brendterine de suranys artyp kele jatqanyn aıtty.

Esterińizde bolsa, bıyl naýryz aıynda SaryarqaAvtoProm» men Reseıdiń «AvtoVAZ»-y ózara yntymaqtastyq týraly kelisimge otyryp, qostanaılyq zaýyt KIA avtomobılderin shyǵarýdy qolǵa alǵan. Osyndaı óndiris kólemin ulǵaıtý sharalarynyń nátıjesinde qostanaılyq zaýyt bıyl 100 myń tehnıka shyǵarýdy josparlap otyr. 

Qostanaı oblysy

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar