Pavlodar oblysy Polısııa departamenti Jergilikti polısııa qyzmeti basqarmasy bólimsheleriniń qyzmetkerleri qalanyń abattandyrylýyn baqylaý boıynsha turaqty reıdtik is-sharalar júrgizedi.
Qala aýmaqtaryn kezekti tekserý kezinde polısııa qyzmetkerleri qalalyq uıymdardyń birinde metall qabyldaý pýnktiniń qoqys shashý faktisin anyqtady. Keıin atalǵan uıymnyń aýmaǵyn tazalaýǵa jaýapty er adamǵa qatysty QR ÁQBtK 505-babynyń 2-bóligi boıynsha ákimshilik hattama toltyrylyp, aıyppul salyndy.
Pavlodar oblysy Polısııa departamentiniń Jergilikti polısııa qyzmeti basqarmasynyń bastyǵy Ǵalym Sarǵulovtyń aıtýynsha, 2021 jyly abattandyrý erejelerin buzýdyń shamamen 52 faktisi anyqtalǵan. Barlyq tártip buzýshylar QR ÁQBtK 505-baby boıynsha ákimshilik jaýapkershilikke tartyldy. Sondaı-aq, atalǵan bapqa sáıkes osy buzýshylyqtar eskertý jasaýǵa nemese 300 aılyq eseptik kórsetkishke deıin aıyppul salýǵa ákep soǵatynyn atap ótti.
Polısııa qyzmetkerleri azamattardy, uıymdardyń ıelerin, jeke kásipkerlerdi jaqyn mańdaǵy aýmaqtardyń, aýlalardyń, kóshelerdiń tazalyǵyn saqtaýǵa shaqyrady.
