Aımaqtar • 21 Sáýir, 2021

Túrmege kitap syılady

43 ret kórsetildi

Oral qalalyq kitaphanasy Batys Qazaqstan oblysyndaǵy Qylmystyq-atqarý júıesi departamentine qarasty mekemelerge 15 myńnan asa kitap syıǵa tartty, dep habarlaıdy Egemen.kz

Bul kitaptar jaza basyp, temir tordyń ar jaǵynda jazasyn ótep jatqan jandarǵa arnalǵan. M.Gorkıı atyndaǵy qalalyq kitaphana syıǵa tartqan 15 408 kitaptyń ishinde álem ádebıetiniń klassıkteri de, qazirgi ádebıet úlgileri de, ǵylymı-tanymdyq, anyqtamalyq kitaptar da bar eken.

«Kitap – bas bostandyǵynan aıyrylǵan jandar arasynda áý bastan erekshe suranysqa ıe qundylyq. Abaqtyǵa ýaqytsha qamalǵandar da, sottalyp jazasyn óteýshiler de bizdiń kitaphanalar qyzmetin jıi paıdalanady. Turaqty oqyrmandarymyz da bar. Bizde eń kóp oqylatyn kitaptar – Lev Tolstoıdyń «Soǵys pen beıbitshilik» epopeıasy, Dostoevskııdiń «Qylmys pen jaza» kitaby. Sondaı-aq M.Býlgakovtyń «Master men Margarıta» romany da suranysqa ıe», deıdi Batys Qazaqstan oblystyq qylmystyq-atqarý júıesi departamentiniń bas mamany Dastan Aqsholaqov.

Atalǵan departament pen qalalyq kitaphana arasynda áriptestik baılanys kópten beri jalǵasyp kele jatyr eken. Departament basshylyǵy ramazan aıynda jasaǵan jomarttyǵy úshin kitaphana ókiline alǵys aıtty.

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar