Parlament • 21 Sáýir, 2021

Májilis bıýdjet zańnamasyn jetildirý týraly zań jobasyn maquldady

10 ret kórsetildi

Memlekettik syrtqy qaryzdy ıgermegeni úshin jaýapkershilik memlekettik organnyń birinshi basshysyna júktelýi tıis. Májilis Tóraǵasy Nurlan Nyǵmatýlın osylaı dedi. Búgin jalpy otyrysta depýtattar «Qazaqstan Respýblıkasynyń keıbir zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly» tıisti zań jobasyn birinshi oqylymda maquldady, dep habarlaıdy Egemen.kz Májilistiń baspasóz qyzmetine silteme jasap.

Májilis Tóraǵasy Nurlan Nyǵmatýlınniń aıtýynsha, syrtqy qaryz qarajatyn ıgermegeni úshin jaýapkershilik, «bulyńǵyr bolmaýy» tıis. Ol naqty jazylýy kerek. Eger qujattyń Úkimettiń nusqasyn qabyldaıtyn bolsaq, onda is júzinde jaýapkershilik uıymnyń birinshi basshysyn jaýapkershilikten alyp tastap, orynbasarǵa júkteletini túsinikti. Bul barlyq jerde bolady. Sondyqtan da, mundaı sáıkessizdikterge jol berýge bolmaıdy.

Nurlan Nyǵmatýlın syrtqy qaryzdyń ıgerilmeýi bıýdjetten qosymsha shyǵyndarǵa alyp kelýi múmkin ekenin atap ótip, tıisti normany zańnamalyq deńgeıde bekitý arqyly memlekettik organnyń birinshi basshysynyń jaýapkershiligin kúsheıtý qajettigin aıtty.

Sonymen qatar Májilis Tóraǵasynyń pikirinshe, jergilikti bıýdjetti boljaý kezinde aımaqtardyń ereksheligi eskerilýi tıis.

Sondyqtan depýtattar jergilikti bıýdjetke túsimderdi boljaý tártibin jergilikti ýákiletti organdarǵa berýdi usynady.

Osyǵan sáıkes Palata Spıkeri zań jobasyndaǵy atalǵan normalardy ekinshi oqylymǵa deıin pysyqtaý qajettiligin aıtty.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar