Qazaqstan • 21 Sáýir, 2021

Qaırat Kelimbetov tamyzda ulttyq jobalardy júzege asyrý bastalatynyn aıtty

41 ret kórsetildi

Osy jyldyń tamyz aıynda memlekettik josparlaý júıesi aıaıasynda ulttyq jobalardy júıege asyrý bastalady. Bul jaıynda Strategııalyq josparlaý jáne reformalar agenttiginiń tóraǵasy Qaırat Kelimbetov aıtty, dep habarlaıdy Egemen.kz

«Sáýirde agenttik Ulttyq ekonomıka mınıstrligimen birlesip, memlekettik baǵdarlamalardyń júzege asyrylýyna monıtorıng júrgizýdi bastady. Saraptama nátıjeleri ulttyq jobalardy ázirleý barysynda qandaı baǵytta jyljýymyz qajettigi týraly naqty aqparat beredi. Odan keıin mamyr-maýsymda ulttyq jobalardy Premer-Mınıstr, Premer-Mınıstrdiń orynbasarlary, joba tálimgerleri jáne Qazaqstan Respýblıkasy Parlamenti depýtattary deńgeıinde talqylaý jalǵasady», dedi Qaırat Kelimbetov Aqordada Memleket basshysynyń tóraǵalyǵymen ótken Reformalar jónindegi joǵarǵy keńes otyrysynda.

Sonymen qatar agenttik basshysy jobalar qoǵamdastyqpen, sarapshylar tobymen, Ulttyq kásipkerler palatasymen talqylantyndyǵyn da aıtty.

«Sáýirden maýsymǵa deıin jobany ázirleýshi memlekettik orǵandar shyǵystardy negizdeý úshin bıýdjettik ótinimder ázirleýge kirisedi. Shildede ulttyq jobalardy Reformalar jónindegi joǵarǵy keńestiń otyrysynda qarastyrý jáne Prezıdent Jarlyǵymen ulttyq jobalar tizbesin bekitý josparlanǵan. Al ulttyq jobalardyń ózi QR Úkimeti qaýlysymen bekitiletin bolady», dedi ol.

Qaırat Kelimbetov tamyzda jobalardy júzege asyrý, QR Úkimeti janyndaǵy Ulttyq jobalardy monıtorıngileý keńsesiniń, Strategııalyq josparlaý jáne reformalar agenttigi janyndaǵy Ulttyq saraptamalyq ortalyqtyń qatysýymen olardyń júızege asyrylýyn monıtorıngileý jáne baǵalaý bastalatyndyǵyn aıtty.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar