Birligi jarasqan elmiz

Qazaqstan memlekettik táýel­sizdigin ıemdengennen keıin bizdiń qoǵamymyzdyń tek kúnde­likti tirshiliginde ǵana emes, sonymen birge ulttyq saıasatynda da birshama ózgerister boldy. Qazaqstan Respýblıkasynyń ultaralyq qarym-qatynasynda memleket júzege asyrǵan, ulttyq qarama-qaıshylyqty sheshýge jáne ondaǵy barlyq etnostardyń ulttyq talap-tilegin oryndaýǵa baǵyttalǵan ult máselesi jan-jaqty dáleldi júıedegi ólshemge ıe bola bastady.

Qashanda tuǵyrly tatýlyqtyń bastaýy bola bilgen Túrkistan oblysy Qazaqstan halqy Assam­bleıasy músheleri osy ýaqyt aralyǵynda el erteńine úndeıtin ba­ıypty bastamalarǵa uıytqy bolyp, qashanda bizdiń qoǵam úshin mańyzdy máselelerge laıyq­ty atsalysyp keledi. Bir úı­diń balasyndaı bolǵan etno­má­denı birlestikter Assambleıa shańy­raǵynyń astyna toptasyp, birtalaı tyndyrymdy tirlik­ter­diń temirqazyǵy bola bildi.

Elimizdiń Tuńǵysh Prezıdenti Elbasy N.Á.Nazarbaev aıt­qan­daı, ulttyq salt-dástúrimiz, tili­miz ben mý­zy­kamyz, ádebıetimiz, joral­ǵy­larymyz, jalpy ulttyq rýhy­myz boıymyzda máńgi qalýy tıis. Árıne, ulttyq qun­dy­lyqtardyń bári jas urpaqqa otbasynan, balabaqshadan, mektepten berileri anyq. Joǵary oqý oryndarynda ol odan ári tereńdetilýi tıis.

Shyndyqtyń shamy darııanyń astynda da janady. Shyn jú­rekke tusaý joq. Qaı iste bol­masyn ashyqtyq pen shyndyq kerek. Abaıdyń «Adaldyqqa esh nárse jetpeıdi» dep aıtqan sózi bar. Bizdiń elimizge, jerimizge degen adaldyǵymyz, Otanymyzǵa degen súıispenshiligimiz arta be­rýi kerek. Eldiń ımandylyǵyn, tatý­lyǵyn, tutastyǵyn, birligin tý etýimiz kerek.

Bizdiń respýblıkamyz kóp etnos­ty memleket. Sondyqtan elde­gi barlyq etnostardyń etno­mádenı erekshelikterin zerttep, zer­deleý qajet. Munyń barysynda qazaq halqymen aǵaıyn, baýyr­las túrik etnosyn da zertteý qa­zirgi zamanǵa saı jáne ózekti másele.

Túrik ulttyq mádenı orta­lyǵy 1991 jyly aqpan aıyn­da uıymdastyryldy. Al 1996 jyly ol Túrikterdiń «Ahyska» qoǵamy bolyp ataýyn ózgertti. Res­pýblıkalyq qoǵamnyń oblys­tyq, qalalyq, aýdandyq bólim­she­lerimen jáne túrik etnosy tyǵyz qonystanǵan eldi mekenderimen baılanystyń qurylymdyq jú­ıesi qalyptasqan.

Qoǵam birlestiginiń baǵyttary mynalarǵa saıyp keledi: Qazaq­stan halqynyń ulttyq máde­nıet­teriniń, sonyń ishinde qazaq jáne túrik mádenıetiniń ózara yq­pal­dastyǵyna qyzmet etý, Qazaqstan men Túrkııa arasyndaǵy mádenı baılanystardyń damýyna úles qosý, túrik etnosy arasynda ana tili men tarıhyn oqyp úırený, má­denıetin, ádet-ǵurpy men salt-dástúrin saqtaý jáne damytý baǵytyndaǵy mádenı-aǵartý jumystaryn uıymdastyrýdy jolǵa qoıý, túrik etnosynyń máselelerin zertteý jáne res­pýb­lıkadaǵy memlekettik jáne qoǵamdyq birlestikterde, shetelderde olardyń múddesin qorǵaý, túrikterdiń tarıhyn, mádenıeti men ónerin basqa ult ókilderine tanystyrý, nasıhattaý.

Osy baǵytta Shymkent qala­sy «Ahyska» túrik etno-máde­nı qoǵa­mynyń músheleri, qoǵamy­myzdyń barlyq salasynda qyz­met atqa­ratyn tulǵalar el birligi úshin aıanbaı qyzmet etip keledi.

Bizdiń eldegi qoǵamdyq keli­sim men jalpy ulttyq birlik sa­la­syndaǵy memlekettik saıa­sat eldi alalap, bólýge emes, keri­sinshe birigýge úndeıdi. Osy tur­ǵydan alyp qaraǵanda el ıgiligi jolyndaǵy jumystardyń jany­nan tabylatyn Assambleıa múshe­leri el bolyp uıysý jolyn­daǵy baısaldy bastamaǵa laıyq­ty qol­daý kórsetedi degen senim­de­min.

Elimizdiń Tuńǵysh Prezıdenti – Elbasy Nursultan Ábishuly Nazarbaev aıt­qan­daı, qashanda tuǵyrymyz – tynyshtyq, tirli­gimiz – turaq­tylyq, tilegimiz – tatýlyq bolǵaı!

Aǵapasha QURBANOV,

fılologııa ǵylymdarynyń kandıdaty, Shymkent qalasy «Ahyska» túrik etnomádenı qoǵamynyń múshesi