Qazirgi ýaqytta adam kóp jınalatyn oryndarda qosymsha egý kabınetterin ashý úshin daıyndyq júrgizilýde. Jaqyn arada mundaı pýnktter «Kerýen» SOO men «Abý-Dabı Plaza» kesheninde ashylady. SOO-da sanıtarııalyq-epıdemıologııalyq talaptardyń bári medısınalyq uıymdaryndaı saqtalatyn bolady.
Halyqtyń kóp jınalatynyn eskere otyryp, árbir komponent úshin qosymsha jeke oryndar qarastyrylady.
Búgingi kúni joǵaryda atalǵan saýda-oıyn-saýyq ortalyqtarynan basqa «Mechta» saýda jelisinen, «Soltústik» SÚ, «Nurbereke 555» JShS jappaı vaksınasııa júrgizý úshin egý pýnktterin ashý talaptaryn túsindirý jóninde ótinish joldady.
Halyqty vaksınasııalaýmen barynsha qamtýǵa qol jetkizý maqsatynda QR Bas memlekettik sanıtarlyq dárigeriniń 12.04.21 j. qaýlysynyń talaptaryna sáıkes egý pýnktteriniń jumysy úshin tıisti jaǵdaı jasalǵan obektilerdiń saǵat 22.00-ge deıin jumys isteýine ruqsat berildi.
